اسلام آباد۔26اگست (اے پی پی) وفاقی وزیرداخلہ محسن نقوی آکھیے بلوچستان اچ دہشتگردی دے واقعات دی تحقیقات دے بعد حقائق ثبوت نال سامݨے گھن آسوں ، تخریب کاری دے اے واقعات پاکستان اچ عدم استحکام پیدا کرݨ دی سازش اے، دشمن سوچے سمجھیے منصوبے دے تحت ملک اچ انارکی پیدا کرݨ چاہندے۔ آپݨے بیان اچ وزیر داخلہ محسن نقوی آکھیے سکیورٹی فورسز اتے قانون نافذ کرݨ آلے اداریں وختی …
بلوچستان اچ دہشتگردی دے واقعات دی تحقیقات دے بعد حقائق ثبوت نال سامݨے گھن آسوں ، تخریب کاری پاکستان اچ عدم استحکام پیدا کرݨ دی سازش اے،وفاقی وزیرداخلہ محسن نقوی
اسلام آباد۔26اگست (اے پی پی) وفاقی وزیرداخلہ محسن نقوی آکھیے بلوچستان اچ دہشتگردی دے واقعات دی تحقیقات دے بعد حقائق ثبوت نال سامݨے گھن آسوں ، تخریب کاری دے اے واقعات پاکستان اچ عدم استحکام پیدا کرݨ دی سازش اے، دشمن سوچے سمجھیے منصوبے دے تحت ملک اچ انارکی پیدا کرݨ چاہندے۔ آپݨے بیان اچ وزیر داخلہ محسن نقوی آکھیے سکیورٹی فورسز اتے قانون نافذ کرݨ آلے اداریں وختی کارروائی کرتے 12 دہشتگرداں کوں جہنم واصل کیتا۔ انہاں آکھیے بلوچستان اچ قیام امن سانڳے ہر ممکن قدم چاتا ویسی ، دہشتگرداں اتے سہولت کاراں کوں لُکݨ دی جاہ نہ ملسی ۔وزیر داخلہ آکھیے بلوچستان حکومت نال رابطے اچ ہاں ، امن دی فضا برقرار رکھݨ سانڳے موثر اقدامات چاتے ویندے پئن، بلوچستان دے مختلف علاقیں اچ ھک دے بعد ٻئے دہشت گردی دے واقعات اچ شہدا دے لواحقین دے ݙکھ اچ برابر دے شریک ہن ،کوئی جے اے سمجھدے جو بزدلانہ کارروائیاں توں قوم دے غیرمتزل عزم کوں شکست ݙے سڳدے تاں ایندی اے بُھل اے ، دہشتگردی دے منڈھوں مکݨ تئیں جنگ جاری رہسی ،بلوچستان اچ امن وامان دی صورتحال کوں مستقل بنیاداں تے مانیٹر کیتا ویندا پئے
