گوادر ایئرپورٹ اڄوکے سال دسمبر تئیں بݨ ویسی ، وزیر دفاع خواجہ محمد آصف

اسلام آباد۔26اگست(اے پی پی) وزیر دفاع خواجہ محمد آصف آکھیے گوادر ایئرپورٹ حالی تئیں تعمیری مرحلے توں گزردا پئے ، گوادر ایئرپورٹ اڄوکے سال دسمبر تئیں بݨ ویسی ، جنھاں ہوائی اݙیں تے مسافر کائنی اتھوں پروازاں چلاوݨ ممکن کائنی ۔ قومی اسمبلی اچ سوالاں دے وقفے ویلھے طاہرہ اورنگزیب دے سوال دے جواب اچ وزیر دفاع خواجہ محمد آصف آکھیے گوادر ایئرپورٹ حالی تئیں تعمیری مرحلے توں گزردا پئے ۔ انھاں آکھیے اے مکران کوسٹل ہائی وے توں ݙو کلومیٹر پڑے ہے ، گوادر ایئرپورٹ اڄوکے سال دسمبر تئیں بݨ ویسی ۔ خورشید احمد جونیجو دے ضمنی سوال دے جواب اچ وزیر دفاع آکھیے ساݙے کجھ ہوائیں اݙیں توں ایں ویلھے پروازاں بند ہن ، مگراتھاں عملہ موجود اے۔ انھاں آکھیے کجھ ہوائی اݙے ایہوجے ہن جیڑھے بالکل بند تھی چکن ، جنھاں ہوائی اݙیں توں پروازاں فی الحال بند ہن، اتھاں بزنس کائنی ، مسافر نہ ہووݨ پاروں جے انھاں ہوائی اݙیں تے پروازاں چلائیاں ویسن تاں ٻیا ضیان تھیسی جیں توں پی آئی اے دی ٻولی تے منفی اثرپوسی۔ نگہت شکیل دے سوال تے وزیر دفاع خواجہ محمد آصف آکھیے اسلام آباد ایئرپورٹ دی تعمیر ویلھے ݙوںاں تجویز کیتے ڳئے ہن ، ھک ناں گندھارا انٹرنیشنل ایئرپورٹ رکھݨ دی تجویز آئی ہئی مگر سول ایوی ایشن ایندا ناں اسلام آباد انٹرنیشنل ایئرپورٹ رکھݨ دا فیصلہ کیتا ہئی، اسلام آباد ایئرپورٹ دا ناں بدالݨ دی کوئی سمری موجود کائنی ۔ راجہ پرویز اشرف آکھیے جݙاں اے ایئرپورٹ بݨدا پیا ہئی تاں ایں ایوان ھک قرارداد منظور کیتی ہئی جو ایں ہوائی اݙے دا ناں بے نظیر بھٹو انٹرنیشنل ایئرپورٹ رکھیا ویسی ۔ وزیر دفاع خواجہ محمد آصف آکھیے میکوں وی یاد اے مگر جیڑھا فیصلہ ایں ویلھے کیتا ڳئے میں اوہو ݙسائے ۔ وزیر قانون و انصاف سینیٹر اعظم نذیر تارڑ ھک سوال دے جواب اچ اسلام آباد تے کراچی دے ہوائی اݙیں تے کجھ نویں ایئر لائنز فلائٹ آپریشن شروع کرݨ چاہندن جنہاں ہوائی اݙیں تے پسنجر لوڈ کائنی اتھاں پروازاں ختم کرݙتیاں ڳئن