وزیراعظم  شہباز شریف نال پیپلز لبریشن آرمی دی بری فوج دے کمانڈر جنرل لی چیائو منگ  نال ملاقات

اسلام آباد۔26اگست(اے پی پی)وزیراعظم محمد شہباز شریف عسکری سطح تے تبالیں دے اطمینان کریندے آکھیے پاکستان اتے چین وچال دفاعی تے سٹریٹجک  تعلقات خطے اچ امن و استحکام سانڳے ناگزیر ہن۔ وزیراعظم آفس دے میڈیا ونگ توں جاری بیان موجب چین دی پیپلز لبریشن آرمی (پی ایل اے) دی بری افواج دے کمانڈر جنرل لی چیائو منگ  وزیراعظم محمد شہباز شریف نال ملاقات کیتی۔ وزیراعظم پاکستان آوݨ تے جنرل لی دا خیرمقدم کیتا۔ جنرل لی نال ڳالھ مہاڑ کریندے وزیراعظم آکھیے پاکستان تے چین وچال ݙھاکیں تے محیط سٹریٹجک تعلقات ہن اتے ݙوہیں ملک قابل اعتماد یار ہن ۔ وزیراعظم مزید آکھیے ݙوہیں ملکاں وچال بھرپی دے تعلقات کوں پاکستان اچ وسیع عوامی، سیاسی اتے ادارہ جاتی حمایت حاصل اے جیڑھے ݙوہیں ملکاں دی ترقی سانڳے ضروری اے وزیراعظم عسکری سطح تے تبالیں تے اطمینان کریندے آکھیے پاکستان تےچین وچال دفاعی اتے سٹریٹجک  تعلقات خطے اچ امن و استحکام سانڳے ناگزیر ہن۔ جنرل لی وزیراعظم نال ڳالھ کریندے آکھیے چین پکے بھرا، سٹریٹجک پارٹنر اتے قابل اعتماد دوست دی حیثیت نال پاکستان نال آپݨے تعلقات کوں ساریں توں ودھ ترجیح ݙیندے ، انھاں چین تے پاکستان دی ݙوطرفہ دوستی کوں تعاون تے اشتراک دی نویں سطح تئیں ودھاوݨ دی خواہش دا اظہار کیتے ۔علاقائی امن و استحکام کوں ودھارا ݙیوݨ تے دہشت گردی دے خلاف جنگ اچ پاکستان دی مسلح افواج دے کردار دی تعریف کریندے جنرل لی ݙوہیں مسلح افواج دی صلاحیتاں ودھاوݨ سانڳے پاکستان نال آپݨے تعاون کوں مزید وسعت ݙیوݨ سانڳے پیپلز لبریشن آرمی دے عزم دا اعادہ کیتے۔ ݙوہیں فریقین پاک چین دوستی دے وکھرے پہلوواں بالخصوص ݙوطرفہ دفاعی اتے سٹریٹجک شراکت داری مزید ودھاوݨ تے اتفاق کیتا