اسلام آباد۔27اگست (اے پی پی) وزیراعظم محمد شہباز شریف وادی تیراہ،ضلع خیبر اچ فتنہ الخوارج،نام نہاد لشکر اسلام اتے جماعت الاحرار دے دہشتگرداں دے خلاف کامیاب آپریشن تے سکیورٹی فورسز دی تعریف کریندے آکھیے ملک اچ امن دے قیام سانڳے افواج پاکستان دی لازوال قربانیاں بھلائیاں نی ونڄ سڳدیاں ۔ وزیراعظم آفس دے میڈیا ونگ توں جاری بیان موجب وزیراعظم آکھیے افواج پاکستان دے بہادر افسراں تے نینگراں پیشہ …
وزیراعظم محمد شہباز شریف دا ضلع خیبر اچ فتنہ الخوارج دے دہشتگرداں دے خلاف کامیاب آپریشن تے سکیورٹی فورسز کوں خراج تحسین
مزید خبراں
اسلام آباد۔27اگست (اے پی پی) وزیراعظم محمد شہباز شریف وادی تیراہ،ضلع خیبر اچ فتنہ الخوارج،نام نہاد لشکر اسلام اتے جماعت الاحرار دے دہشتگرداں دے خلاف کامیاب آپریشن تے سکیورٹی فورسز دی تعریف کریندے آکھیے ملک اچ امن دے قیام سانڳے افواج پاکستان دی لازوال قربانیاں بھلائیاں نی ونڄ سڳدیاں ۔ وزیراعظم آفس دے میڈیا ونگ توں جاری بیان موجب وزیراعظم آکھیے افواج پاکستان دے بہادر افسراں تے نینگراں پیشہ ورانہ مہارت اتے بہادری دا مظاہرہ کریندے ٻہوں مطلوب دہشتگرد خارجی لیڈران سودھے 25 دہشتگرداں کوں جہنم واصل کیتے تے 11 کوں زخمی کرتے گرفتار کرڳھدے۔ انھاں آکھیے آپریشن اچ شہید تھیوݨ آلے افواج پاکستان دے نینگراں کوں میں سودھے پوری قوم خراج عقیدت پیش کریندی اے ۔وزیراعظم آکھیے ملک اچ امن دے قیام سانڳے افواج پاکستان دی لازوال قربانیاں بھلائیاں نی ونڄ سڳدیاں ،دہشتگردی دی عفریت کوں ملک توں منڈھوݨ مکاوݨ تئیں ایندے خلاف جنگ جاری رکھیسوں ۔ وزیراعظم آکھیے فتنہ الخوارج کوں کہیں صورت ملک اچ انتشار تے بدامنی کھنڈاوݨ دی اجازت نہ ݙیسوں ،دہشتگردی دے ملک توں مکݨ تئیں پوری قوم افواج پاکستان دے رلے کھڑی اے
