نیویارک۔24ستمبر (اے پی پی) وزیراعظم محمد شہباز شریف اتے مالدیپ دے صدر ڈاکٹر معیوزو ݙوہیں ملکاں وچال اقتصادی ترقی اتے پائیدار ترقی کوں ودھاوݨ کیتے عوام وچال رابطے اتے آپسی تعاون دی کوششاں ودھاوݨ دی لوڑھ اتے خطے دے امن، خوشحالی اتے استحکام کیتے رَل تے کم کرݨ کیتے جنوبی ایشیائی ملکاں دی سانجھی داری تے اتفاق کیتے۔ منگل کوں وزیراعظم آفس دے پریس ونگ توں جاری بیان موجب وزیر …
وزیراعظم محمد شہباز شریف دی مالدیپ دے صدر نال ملاقات، خطے دے امن، خوشحالی اتے استحکام کیتے رَل تے کم کرݨ کیتے جنوبی ایشیائی ملکاں دی سانجھی داری تے اتفاق
نیویارک۔24ستمبر (اے پی پی) وزیراعظم محمد شہباز شریف اتے مالدیپ دے صدر ڈاکٹر معیوزو ݙوہیں ملکاں وچال اقتصادی ترقی اتے پائیدار ترقی کوں ودھاوݨ کیتے عوام وچال رابطے اتے آپسی تعاون دی کوششاں ودھاوݨ دی لوڑھ اتے خطے دے امن، خوشحالی اتے استحکام کیتے رَل تے کم کرݨ کیتے جنوبی ایشیائی ملکاں دی سانجھی داری تے اتفاق کیتے۔ منگل کوں وزیراعظم آفس دے پریس ونگ توں جاری بیان موجب وزیر اعظم محمد شہباز شریف دی نیویارک اچ اقوام متحدہ دی جنرل اسمبلی دے 79ویں اجلاس دے موقع تے مالدیپ دے صدر ڈاکٹر معیوزو نال ملاقات تھئی۔ ملاقات اچ ݙوہیں رہنماواں پاکستان اتے مالدیپ وچال پراݨے اتے ڳھاٹے تعلقات ودھاوݨ تے زور ݙتا۔ وزیراعظم مالدیپ نال تجارت، سیاحت، تعلیم، سرمایہ کاری اتےموسمیاتی تبدیلی دے شعبیاں اچ تعاون ودھاوݨ کیتے پاکستان دے عزم دا اعادہ کیتا۔ ݙوہیں رہنماواں آپݨے آپݨے ملکاں اچ اقتصادی ترقی اتے پائیدار ترقی ودھاوݨ کیتے عوام وچال رابطے اتے آپسی تعاون دی کوششاں ودھاوݨ دی لوڑھ تے زور ݙتا۔ ݙوہیں رہنماواں خطے دے امن، خوشحالی اتے استحکام کیتے رَل تے کم کرݨ کیتے جنوبی ایشیائی ملکاں دی سانجھی ذمہ واری تے اتفاق کیتا۔
