وزیراعظم دا لیگی رہنما و رکن بلوچستان اسمبلی پیٹرک سینٹ مسیح دی فوتڳی تے افسوس

اسلام آباد۔21اکتوبر(اے پی پی)وزیراعظم محمد شہباز شریف رکن بلوچستان اسمبلی اتے پاکستان مسلم لیگ (ن) دے رہنما پیٹرک سینٹ مسیح دی فوتڳی تے افسوس کریندے آنجہانی رہنما دے ٹٻر کوں پرچاوݨی ݙتی اے۔ انہاں آکھیے جو پیٹرک سینٹ مسیح دی عوام دی فلاح کیتے خدمتاں نا ٻھلݨ آلیاں ہین، مسیحی برادری دی موثر نمائندگی اچ پیٹرک سینٹ مسیح دا کردار اہم رہے۔