پالیسی ریٹ دا 13 فیصد تے آوݨ نال پاکستانی معیشت تے سرمایہ کاراں دا اعتماد ودھسی، وزیر اعظم محمد شہباز شریف

اسلام آباد۔16دسمبر(اے پی پی)وزیر اعظم محمد شہباز شریف سٹیٹ بینک ولوں پالیسی ریٹ اچ 2 فیصد کمی دا خیر مقدم کریندے آکھیے جو پالیسی ریٹ دا 13 فیصد تے آوݨ ملکی معیشت کیتے چنڳاں اے جیندے نال پاکستانی معیشت تے سرمایہ کاراں دا اعتماد ودھسی۔ ہک بیان اچ وزیر اعظم آکھیے جو پالیسی ریٹ ڳھٹݨ نال سرمایہ کاری ودھسی، ڳھٹ افراط زر دی شرح نال پالیسی ریٹ ڳھٹیے، امید اے جو آندے ڈیہناں اچ افراط زر ٻیا ڳھٹسی۔ وزیراعظم آکھیا جو معیشت دی بحالی کیتے وفاقی وزیر خزانہ اتے ٻئے متعلقہ اداریاں دیاں کوششاں بہترین ہین۔