اسلام آباد۔4مارچ (اے پی پی) وفاقی وزیر برائے صنعت تے پیداوار رانا تنویر حسین نال تاجکستان دے سفیر منگل کوں ملاقات کیتی۔ ملاقات اچ پاکستان اتے تاجکستان وچال تجارتی اتے اقتصادی تعلقات اتے ایف ٹی اے معاہدے تے ڳالھ کیتی ڳئی۔ وفاقی وزیر برائے صنعت تے پیداوار رانا تنویر حسین اتے تاجک سفیر وچال ڳالھ مہاڑ اچ گوادر اتے کراچی بندرگاہیں دے استعمال، لاجسٹک مسائل دے حل، پاکستانی مصنوعات اچ تاجکستان دی دلچسپی، اتے براہ راست پروازاں دی لوڑھ سویں موضوعات تے ڳالھ کیتی ڳئی۔ ݙوہیں ملکاں وچال ایف ٹی اے (فری ٹریڈ ایگریمنٹ) اتے تاجکستان کوں کھنڈ برآمد کرݨ دے امکانات تے وی بحث کیتی ڳئی۔ تاجک سفیر پاکستان اتے تاجکستان وچال براہ راست پروازاں دی لوڑھ تے زور ݙتا۔
