اسلام آباد۔6مارچ(اے پی پی) ڈپٹی چیئرمین سینیٹ سیدال خان ناصر ایوان کوں قانون موجب چلاوݨ تے سارے ارکان دی عزت و احترام تے زور ݙتے۔ ڈپٹی چیئرمین سینیٹ سیدال خان ناصر دی صدارت اچ اجلاس دے دوران اپوزیشن تے حکومتی ارکان وچال تلخ کلامی اتے ہنگامہ آرائی تھئی ۔ ایں موقع تے ڈپٹی چیئرمین ایوان کوں قانون و ضوابط دے تحت چلاوݨ دی ہدایت کیتی ۔ انہاں آکھیے اساں ایں ایوان کوں قانون و ضوابط دے تحت چلاوݨ دا حلف چاتے ، ایوان کوں کہیں دے دباؤ اچ آتے نی چلا سڳدے اساکوں ایں ایوان اچ ھک ݙوجھے کوں عزت و احترام ݙیوݨی چاہیدی اے، سینیٹ ہائوس آف فیڈریشن اے جئیں کوں قانون موجب چلیسوں ایں ایوان دے ہر رکن دی عزت تے وقارھکو سواں اے۔ انہاں مزید آکھیے میݙا تعلق ھک سیاسی خاندان توں ہے تے میݙی سیاسی جد وجہد اے
