اسلام آباد۔6مارچ (اے پی پی) پاکستان جموں تے کشمیر بارے بھارتی وزیر خارجہ دے ریمارکس کوں مسترد کریندیں ہوئیں آکھیا جو بھارتی آئین دے مطابق کوئی انتخابی مشق یا بندوق دی نوک تے معاشی سرگرمیاں کشمیریاں دے حق خودارادیت دا بدل نی تھی سڳدی۔ دفتر خارجہ دے ترجمان شفقت علی خان خمیس کوں ہفتہ وار پریس بریفنگ اچ آکھیا جو سلامتی کونسل دی قرارداداں اتے کشمیری عوام دی خواہشات دے مطابق تنازعہ جموں تے کشمیر دا پر امن حل جنوبی ایشیا اچ امن کیتے ضروری اے۔ انہاں آکھیا جو بھارتی آئین دے تحت کوئی وی انتخابی مشق حق خودارادیت ݙیوݨ دے متبادل دے طور کم نی کر سڳدی۔ انہاں آکھیا جو بھارتی وزیر خارجہ دے ریمارکس زمینی حقائق کوں غلط انداز اچ پیش کیتے اتے بین الاقوامی قانون دی خلاف ورزی کیتی کیونجو جموں تے کشمیر بین الاقوامی سطح تے منیا ڳئیا متنازعہ علاقہ اے۔ ترجمان آکھیا جو اقوام متحدہ دی سلامتی کونسل دی قرارداداں دے مطابق تنازعہ دی حتمی حیثیت دا تعین اقوام متحدہ ولوں آزادانہ اتے غیر جانبدارانہ رائے شماری نال کیتا ونڄے۔ انہاں آکھیا جو سلامتی کونسل دی قرارداداں اتے کشمیری عوام دی خواہشات دے مطابق تنازعہ جموں تے کشمیر دا پر امن حل جنوبی ایشیا اچ امن کیتے ضروری اے۔
