اسلام آباد۔7مارچ(اے پی پی) وزیراعظم رمضان پیکیج دے شفاف نفاذ اتے موثر مانیٹرنگ سانڳے نیشنل ٹیلی کمیونیکیشن کارپوریشن (این ٹی سی) اچ خصوصی کنٹرول روم بݨا ݙتا ڳئے ۔ وزارت انفارمیشن ٹیکنالوجی تے ٹیلی کمیونیکیشن دی طرفوں جاری بیان موجب وزیر آئی ٹی و ٹیلی کام شزا فاطمہ خواجہ این ٹی سی دے کنٹرول روم دا دورہ کیتے تے رمضان پیکیج دی مانیٹرنگ دے نظام دا جائزہ ڳھدا۔ وزیر آئی …
وزیراعظم رمضان پیکیج دے نفاذ تے مانیٹرنگ سانڳےنیشنل ٹیلی کمیونیکیشن کارپوریشن اچ خصوصی کنٹرول روم بݨا ݙتے،وزیرآئی ٹی و ٹیلی کام شزا فاطمہ دا دورہ
مزید خبراں
اسلام آباد۔7مارچ(اے پی پی) وزیراعظم رمضان پیکیج دے شفاف نفاذ اتے موثر مانیٹرنگ سانڳے نیشنل ٹیلی کمیونیکیشن کارپوریشن (این ٹی سی) اچ خصوصی کنٹرول روم بݨا ݙتا ڳئے ۔ وزارت انفارمیشن ٹیکنالوجی تے ٹیلی کمیونیکیشن دی طرفوں جاری بیان موجب وزیر آئی ٹی و ٹیلی کام شزا فاطمہ خواجہ این ٹی سی دے کنٹرول روم دا دورہ کیتے تے رمضان پیکیج دی مانیٹرنگ دے نظام دا جائزہ ڳھدا۔ وزیر آئی ٹی و ٹیلی کام کوں کنٹرول روم اچ رمضان پیکیج دی ڈیجیٹل مانیٹرنگ سانڳے تیار کیتے ڳئے پورٹل دے کم کرݨ دے طریقہ کار تے بریفنگ ݙتی ڳئی ۔ شزا فاطمہ خواجہ کوں اجلاس اچ رمضان پیکیج دے تحت ݙتی ونڄݨ آلی سبسڈی، مانیٹرنگ میکانزم اتے عوامی شکایتاں دے ازالے دے حوالے نال بریفنگ ݙتی ڳئی۔ انہاں کوں رمضان پیکیج دے تحت بݨائے ڳئے کال سینٹر دی کارکردگی سکرین تے مانیٹرنگ دے ذریعے ݙکھائی ڳئی، عوامی شکایتاں دے ازلے سانڳے کوششاں تے بریفنگ ݙتی ڳئی ۔ وزیر شزا فاطمہ خواجہ ہدایت کیتی جو رمضان پیکیج دی مانیٹرنگ سانڳے بݨائے ڳئے پورٹل کوں مزید موثر تے صارف دوست بݨایا ونڄے تاں جو عوام کوں ودھ توں ودھ سہولت ݙتی ونڄ سڳے
