اسلام آباد۔7مارچ(اے پی پی)وزیر اعظم محمد شہباز شریف چین پاکستان اقتصادی راہداری دے تحت مختلف اقدامات اتے منصوبیاں دی ویلھے تے تکمیل سانڳے ݙوہیں ملکان کوں رل تے کم کرݨ تےز ور ݙیندے آکھیے جو ݙوہیں ملکاں دی قیادت اتے عوام اپݨے تعلقات ڳھاٹے کرݨ کیتے پرعزم ہین۔ اے ڳالھ انہاں پاکستان اچ تعینات چین دے سفیر جیانگ زیڈونگ نال وزیراعظم ہائوس اسلام آباد اچ ملݨ ویلھے آکھی۔ وزیراعظم چین …
وزیر اعظم محمد شہباز شریف نال چین دے سفیر جیانگ زیڈونگ دی ملاقات
مزید خبراں
اسلام آباد۔7مارچ(اے پی پی)وزیر اعظم محمد شہباز شریف چین پاکستان اقتصادی راہداری دے تحت مختلف اقدامات اتے منصوبیاں دی ویلھے تے تکمیل سانڳے ݙوہیں ملکان کوں رل تے کم کرݨ تےز ور ݙیندے آکھیے جو ݙوہیں ملکاں دی قیادت اتے عوام اپݨے تعلقات ڳھاٹے کرݨ کیتے پرعزم ہین۔ اے ڳالھ انہاں پاکستان اچ تعینات چین دے سفیر جیانگ زیڈونگ نال وزیراعظم ہائوس اسلام آباد اچ ملݨ ویلھے آکھی۔ وزیراعظم چین دے صدر شی جن پنگ اتے وزیر اعظم لی کیانگ کیتے نیک خواہشات پچیندے قومی عوامی کانگریس اتے چینی عوامی سیاسی مشاورتی کانفرنس دے “ݙو اجلاساں” دی کامیابی تے مبارک ݙتی۔ وزیراعظم سارے بنیادی مسائل تے پاکستان دی دیرینہ اتے مسلسل حمایت تے چین دا شکریہ ادا کریدے چین دے قومی دلچسپی دے امور تے پاکستان دی مسلسل اتے غیر متزلزل حمایت دا وی اعادہ کیتے جو ݙوہیں ملکاں دی قیادت اتے عوام پاک چین “آل ویدر سٹریٹجک کوآپریٹو پارٹنرشپ” کوں ٻیا تکڑا کرݨ کیتے پرعزم ہین۔ انہاں ݙوہاں ملکاں وچال سکیورٹی اتے انسداد دہشت گردی تعاون تے الایا۔ وزیراعظم شہبازشریف ایں سال صدر شی جن پنگ دے 2015 اچ پاکستان دے تاریخی دورے دی ݙاہویں سالگرہ دے موقع کوں شاندار انداز اچ مناوݨ دی ہدایت کیتی۔ انہاں صدر شی جن پنگ کوں پاکستان دا سرکاری دورہ کرݨ کیتے اپݨی پرخلوص دعوت دی وی تجدید کیتی۔ چینی سفیر چینی قیادت کیتے نیک خواہشات تے وزیراعظم دا شکریہ ادا کریندے پاک چین ݙوطرفہ تعاون دی تازہ ترین پیشرفت دا ݙسایا۔ چینی سفیر آکھیا جو چین پاکستان دی قومی ترقی دیاں کوششاں اچ اپݨی مکمل حمایت اتے تعاون جاری رکھسی۔
