راولپنڈی۔8مارچ (اے پی پی) سکیورٹی فورسز 8 مارچ 2025 کوں ڈسٹرکٹ ٹانک اچ خوارج دی موجودگی دی اطلاعات تے ھک انٹیلی جنس بیسڈ آپریشن کرتے ترائے خوارج کوں جہنم واصل کرݙتے۔ پاک فوج دے شعبہ تعلقات عامہ (آئی ایس پی آر) توں جاری بیان موجب آپریشن دے دوران فوجی دستے خوارج دے ٹھکاݨے کوں موثر طریقے نال نشانہ بݨائے ، جئیں دے نتیجے اچ ترائے خوارج کوں جہنم واصل کرݙتا ڳئے ۔ ہلاک شدہ خوارج توں ہتھیار تے گولہ بارود وی برآمد تھئے، جیڑھا جو سکیورٹی فورسز تے نشوم شہریاں دے خلاف ٻہوں سارے دہشت گردانہ سرگرمیاں اچ ملوث ہن۔ علاقے اچ موجود ٻئے خوارج کوں مکاوݨ سانڳے کلیئرنس آپریشن جاری اے، کیوں جو پاکستان دی سکیورٹی فورسز دہشت گردی مکاوݨ سانڳے پرعزم اے
