اسلام آباد۔8مارچ(اے پی پی) صدر مملکت آصف علی زرداری ضلع ٹانک اچ خوارج دے خلاف آپریشن تے سکیورٹی فورسز کوں خراج تحسین پیش کریندے آکھیے دہشت گردی دے ناسور کوں منڈھوں مکاوݨ تئیں دہشت گرداں دے خلاف کاروائیاں جاری رہسن ۔ ایوان صدر دے پریس ونگ موجب صدر مملکت کارروائی تے 3 خوارج کوں جہنم واصل کرݨ تے سکیورٹی فورسز دی تعریف کیتی ۔ صدر مملکت آکھیے دہشت گردی دے ناسور دے منڈھوں مکݨ تئیں دہشتگرداں دے خلاف کارروائیاں جاری رہسن ۔ صدر آصف علی زرداری آکھیے پوری قوم دہشت گردی دے خلاف جنگ اچ آپݨی سکیورٹی فورسز دے رلے کھڑی اے
