اسلام آباد۔10مارچ (اے پی پی) وفاقی وزیرداخلہ محسن نقوی کوہاٹ دے علاقے تاندہ ڈیم دے نیڑے پولیس اہلکاراں تے فائرنگ دے واقعے دی مذمت کریندیں ہوئیں آکھیا جو خیبرپختونخوا پولیس دےسپوتاں دہشتگردی دے خلاف جنگ اچ لازوال قربانیاں ݙتن۔ سنوار کوں آپݨے بیان اچ انہاں شہید تھیوݨ آلے ݙو پولیس اہلکاراں کوں خراج عقیدت پیش کیتے۔ انہاں آکھیا جو شہید تھیوݨ آلے اہلکاراں غلام مصطفیٰ اتے زاہد الرحمان دی قربانی کوں سلام پیش کریندوں۔ وزیر داخلہ محسن نقوی شہید پولیس اہلکاراں دے ٹٻراں نال ہمدردی اتے تعزیت کیتی۔
