وزیر اعظم دی عوامی نمائندے اتے وزراء کوں رمضان بازاراں، سہولت سٹالز اتے ٻئی مختص جہیں دے دورے کرݨ دی ہدایت، کوئی ناجائز منافع خور سزا توں بچ سڳے، کوئی بے گناہ کوں ناں پکڑیا ونڄے، شہباز شریف

اسلام آباد۔11مارچ  (اے پی پی) وزیر اعظم محمد شہباز شریف رمضان المبارک اچ عوام کوں سستی شئیں کیتے عوامی نمائندے اتے وزراء کوں رمضان بازاراں، سہولت سٹالز اتے ٻئی مختص جہیں دے دورے کرݨ دی ہدایت کیتی اے۔ کوئی ناجائز منافع خور سزا توں بچ سڳے، کوئی بے گناہ کوں ناں پکڑیا ونڄے۔ منگل کوں وزیراعظم آفس دے میڈیا ونگ توں جاری بیان موجب وزیر اعظم محمد شہباز شریف دی صدارت اسلام آباد اچ رمضان المبارک اچ کھاوݨ پیوݨ دی شئیں ڳھٹ نرخ تے ݙیوݨ کیتے ٻݨائی ڳئی کمیٹی دی کارکردگی بارے جائزہ اجلاس تھیا۔ اجلاس اچ وفاقی وزرااحسن اقبال، احد خان چیمہ، عطاء اللہ تارڑ، طارق فضل چوہدری، حنیف عباسی، وزیر مملکت طلال چوہدری اتے متعلقہ اداریاں دے اعلیٰ افسر شریک تھیے۔ وزیراعظم رمضان المبارک اچ کھاوݨ پیوݨ دی شئیں کنٹرول کرݨ اتے عوام کوں ضروری شئیں ڳھٹ نرخاں تے ݙیوݨ تے کمیٹی اتے اسلام آباد دی انتظامیہ دی تعریف کیتی۔ وزیر اعظم   دی عوامی نمائندے اتے وزراء کوں رمضان بازاراں، سہولت سٹالز اتے ٻئی مختص جہیں دے دورے کرݨ دی ہدایت، کوئی ناجائز منافع خور سزا توں بچ سڳے، کوئی بے گناہ کوں ناں پکڑیا ونڄے۔اجلاس اچ وزیراعظم کوں نرخ ڳھٹ کرݨ دے اقدامات، سستی شئیں ݙیوݨ کیتے ٻݨائے ڳئے سہولت مراکز اتے ناجائز منافع خوراں دے خلاف کیتے ڳئے اقدامات تے بریفنگ ݙتی ڳئی۔ وزیر اعظم کوں ݙسیا ڳئیا جو اسلام آباد اچ 16 سہولت سٹالز، 5 رمضان بازار، 18 فیئر پرائس دکاناں اتے کئی سہولتاں ٻݨائی ڳئن۔ انہاں سہولتاں اچ گھیو، انڈے، دالیں، کھنڈ، چکن اے ٻئے شئیں مارکیٹ توں ڳھٹ نرخاں تے ملدی پئن۔ رمضان المبارک شروع تھیوݨ توں ہݨ تئیں ناجائز منافع خوراں دے خلاف 4915 انسپکشنز، 785 گرفتاریاں اتے 728000 روپے دے جرمانے لاتے ڳئن۔ پرائس مجسٹریٹس دی کارکردگی دی نگرانی کیتے آن لائن ایپ استعمال کیتی ویندی پئی اے۔ بیت المال دے تحت اسلام آباد اچ 8 جہیں تے مستحق روزہ داراں کوں افطاری دی سہولت ݙتی ویندی پئی اے۔