اسلام آباد۔12مارچ(اے پی پی) چیئرمین سینیٹ سید یوسف رضا گیلانی جعفر ایکسپریس تے حملہ کرݨ آلے دہشتگرداں کوں جہنم واصل کرݨ تے سکیورٹی فورسز کوں خراجِ تحسین پیش کیتے۔ سینیٹ سیکرٹریٹ توں جاری بیان موجب چیئرمین سینیٹ آکھیے سکیورٹی فورسز دے نینگراں آپݨی جاناں دی پرواہ کیتے بغیر دہشت رداں دے ناپاک عزائم کوں مٹی اچ رلائے۔ ملک دے بہادر نینگراں دیاں قربانیاں ضائع نہ ویسن ۔ سید یوسف رضا گیلانی آکھیے قوم اپݨے بہادر نینگراں دی بہادری تے قربانیاں کوں سلام پیش کریندی اے ۔ دہشتگرداں دے خلاف برسرِ پیکار افواج اتے قانون نافذ کرݨ آلے ادارے ساݙا ماݨ ہن ۔ پاکستان دے دشمناں کوں ہر محاذ تے شکست ݙتی ویسی ۔ ملک اچ امن تےاستحکام سانڳے فورسز دی خدمات قابلِ تحسین ہن۔سید یوسف رضا گیلانی دی سکیورٹی فورسز دے شہدا کوں خراجِ عقیدت، زخمی جواناں دی جلد صحت یابی دی دعا کیتی۔
