پشاور۔ 12 مارچ (اے پی پی) وفاقی وزیر منصوبہ بندی و ترقی احسن اقبال آکھیے حکومت سنبھلیندے ویلھے پاکستان دے ڈیفالٹ دیاں خبراں عالمی سطح تے گردش وچ ہن ۔ 2018 اچ ملک اچ کرپشن انتہا تے ہئی ، ساݙی حکومتی پالیسیاں پاروں ڈیفالٹ دیاں خبراں دم تروڑ ڳیاں ہن تے موجودہ حکومت ڈیفالٹ تھیندے ملک کوں آپݨے پیراں تے کھڑا کیتے ،پاکستان ھک نویں اُڑان بھرݨ کوں اتیار اے ۔ اے ڳالھ انہاں اڑان پاکستان اچ نینگراں دے کردار دے حوالے نال منعقدہ سیمینار اتے بعد اچ میڈیا ٹاک توں خطاب اچ آکھی ۔تقریب توں خطاب کریندے احسن اقبال آکھیے اڑان پاکستان دا منصوبہ پاکستان کوں پائیدار ترقی دے پاسے گھن ونڄݨ سانڳے شروع کیتے ایں سانڳے اساکوں اپݨے ملک اچ امن و استحکام دی فضا پیدا کرݨی ہوسی ۔ اساکوں آپݨے سماجی رویں اچ تبدیلی گھن آوݨی چاہیدی اے ساݙے 40 فیصد ٻال غذائیت دی کمی دا شکار ہن جیڑھے جو انہاں دی ذہنی صلاحیتاں کوں ودھاوݨ نی ݙیندا ، استاد کوں سماجی رویں اچ تبدیلی سانڳے کم کرݨ دے پاسے توجہ ݙیوݨی ہوسی ۔ اساں اڑان پاکستان دا منصوبہ پاکستان کوں پائیدار ترقی دے پاسے گھن ونڄݨ سانڳے شروع کیتے ۔ اساں ترقی دی رستے اچ آپݨا ونڄا ہویا مقام واپس گھنݨا اے ترقی سانڳے اساکوں آپݨے ملک اچ امن و استحکام دی فضا پیدا کرݨی ہوسی ،سیاست کوئی ڈرامہ کائنی اساں آپݨی سیاست کوں داؤ تے لاتے ملک کوں ول مستحکم کیتے ساݙی سیاست ساݙے عہدے اتے ساݙی ساری شان مضبوط اتے مستحکم پاکستان نال ہی ممکن اے ۔ انہاں آکھیے اڄ مہانگ 4 فیصد توں گھٹ تھی چکی اے سٹاک مارکیٹ 1 لکھ18ہزار دی حد کوں کراس کرڳئی اے ۔ انہاں آکھیے قوم کوں متحد تھی تے انتشار اتے فتنیں دا مقابلہ کرݨا اے ،قومی فرض اے جو پاکستان دی ترقی سانڳے رل تے کم کرے ،ملک دی معیشت کوں 2030 تئیں 30 ٹریلین ڈالرز تئیں پڄاوݨا اے گزریل ݙو سالاں اچ ملکی معیشت مستحکم تھئی ،2022 اچ پاکستان ڈیفالٹ کر ڳیا ہئی ،ملکی تاریخ پہلی واری ترقیاتی بجٹ دی چھیکڑی قسط جاری نی کیتی ڳئی ،ملکی مہانگ 38 فیصد توں گھت تھی تے 4فیصد رہ ڳئی،اساکوں کہیں سیاسی گرینڈ الائنس دی لوڑھ کائنی البتہ ملکی ترقی سانڳے گرینڈ الائنس دی لوڑھ اے ،سیاسی لانگ مارچاں توں پرہیز کرݨا چاہیدے ،ملک دے 60 فیصد وسائل صوبیں کوں منتقل کرݙتن ،کے پی کے جیڑھے مسئلے ہن انہاں کوں رلے ٻہہ تے حل کریسوں۔
