اسلام آباد۔12مارچ(اے پی پی)وزیراعظم محمد شہباز شریف آکھیے جو بلوچستان اچ جعفر ایکسپریس تے گھنائونے دہشت گرد حملے ڄھیاں بزدلانہ کارروائیاں پاکستان دے امن دا عزم ݙھیلا نئیں کرسڳدیاں۔ سوشل میڈیا ایکس تے انہاں آکھیا جو میݙی وزیراعلیٰ بلوچستان سرفراز بگٹی نال ڳالھ تھئی اے ڄئیں جعفر ایکسپریس تے حملے دی صورتحال اتے اڳونہی ݙسائی۔ انہاں آکھیا جو پوری قوم ایں گھنائونے فعل پاروں شدید صدمے اچ ہے اتے معصوم جاناں دے ضیان تے غمزدہ اے۔ انہاں شہداء دے اہل خانہ کوں پرچاوݨی ݙیندے دعا کیتی جو اللہ تعالیٰ انہان کوں کو جنت اچ ڄاہ ݙیوے اتے زخمیاں کوں تیکھے صحت ݙیوے۔ انہاں آکھیا جو درجناں دہشت گرداں کوں جہنم واصل کر ݙتا گئے۔
