اسلام آباد۔13مارچ(اے پی پی) وفاقی وزیر انفارمیشن ٹیکنالوجی و ٹیلی کمیونیکیشن شزہ فاطمہ خواجہ آکھیے پاکستان اتے آذربائیجان وچال ٹیکنالوجی اتے ڈیجیٹل عوامی خدمات اچ تعاون تے اتفاق کیتا ڳئے ،وزارت آئی ٹی دا’’ون سٹاپ شاپ‘‘ماڈل کاروباری اتے سرکاری خدمات اچ سوکھ گھن آسی ۔سمارٹ اسلام آباد منصوبہ عوامی خدمت دی بہتری اچ اہم قدم اے ۔ وزارتِ انفارمیشن ٹیکنالوجی و ٹیلی کمیونیکیشن توں جاری بیان موجب آذربائیجان دے سفیر خضر فاردوف وفاقی وزیر آئی ٹی وٹیلی کمیونیکشن شزا فاطمہ خواجہ نال ملاقات کیتی ۔ملاقات اچ پاکستان تے آذربائیجان وچال ڈیجیٹل تعاون ودھاوݨ تے ڳالھ مہاڑ کیتی ڳئی ۔ شزا فاطمہ آکھیے وزیراعظم پاکستان دے دورے دکے بعد ݙو پاسے تعاون ٻیا تکرا تھی ڳئے ۔پاکستان تے آذربائیجان وچال ٹیکنالوجی اتے ڈیجیٹل عوامی خدمات اچ تعاون تے اتفاق کیتا ڳئے۔ انہاں آکھیے آسان خدمت مرکزاُتے پاکستان اتے آذربائیجان وچال ڳالھ مہاڑ کیتی ڳئی ۔وزیراعظم دا وژن: عوامی خدمات دی باسہولت اتے مؤثر فراہمی اولین ترجیح اے۔ شزا فاطمہ خواجہ آکھیے وزارت آئی ٹی دا ون سٹاپ شاپ ماڈل کاروباری اتے سرکاری خدمات اچ سوکھ گھن آسی ،سمارٹ اسلام آباد منصوبہ عوامی خدمت دی بہتری اچ اہم قدم اے ،سٹیزن سروسز پورٹل جدید سہولتاں ݙیوݨ اچ کلیدی کردار نبھیندا پئے ۔ پاکستان تے آذربائیجان وچال ڈیجیٹل گورننس دے ودھارے اچ سانجھے تعاون تے اتفاق کیتا ڳئے ۔ڈیجیٹل پاکستان دے وژن کوں عملی جامہ پواوݨ سانڳے آذربائیجان نال اشتراک جاری رہسی۔
