اسلام آباد۔14مارچ (اے پی پی) وزیراعظم محمد شہبازشریف دی ہولی دے موقع تے ہندو برادری کوں مبارخ ݙیندیں ہوئیں آکھیا جو اے تہوار بہار دے آوݨ دا اعلان، محبت، اچھائی دی جت دی علامت اتے ہک متحرک توانائی دا احساس ݙیندے۔ جمعے کوں پی ایم آفس دے میڈیا ونگ توں جاری بیان موجب وزیراعظم آپݨے سنیھے اچ آکھیا جو میں پاکستان اچ ہندوبرادری کوں ہولی دی دلی مبارخ ݙینداں۔ وزیراعظم آکھیا جو نویں شروعات اتے تجدید تعلقات دی مضبوطی دا جشن منیندیں ہوئیں رنگاں دا اے تہوار تساݙی زندگیاں دی خوشیاں، صحت اتے خوشحالی نال بھر ݙیوے، ہولی مبارخ۔
