اسلام آباد۔14مارچ(اے پی پی)ڈی جی آئی ایس پی آر لیفٹیننٹ جنرل احمد شریف چوہدری آکھیے جو جعفر ایکسپریس حملے بارے بھارتی میڈیا پروپیگنڈے کیتے ول ول کوڑی ویڈیو چلیندا پیا ہا، انٹرنیشنل وارفیئر کوں انڈین میڈیا لیڈ کریندا پیا ہا۔ پریس کانفرنس اچ انہاں آکھیا جو انڈین میڈیا اپݨی ویڈیو اچ ݙکھیندا پیا ہا جو ٹرین سڑدی پئی اے، دہشتگرداں کوں بھارتی میڈیا سپورٹ کریندا ھا، اے آئی تصاویر، دہشتگرد گروپاں ولوں ݙتی ڳئی ویڈیوز نال بھارت بیانیہ ٻݨیدا پیا ہا، ریاست ہر شے دا خیال رکھدی اے، بھارتی میڈیا پراݨیاں ویڈیوز سوشل میڈیا تے چا تے چلیندا رہے اتے اے تاثر ݙیوݨ دی کوشش کیتی ڳئی اے جو دہشتگرد انسان پسند ہین تہوں چھوڑ ݙتے ڳن۔
