اسلام آباد۔15مارچ(اے پی پی)قائمقام صدر مملکت سید یوسف رضا گیلانی ایوان صدر اسلام آباد اچ جمہوریہ چیک دے سفیر ملین۔ انہاں ݙوہاں ملکاں وچال ݙوطرفہ تعاون ودھاوݨ، تجارت و سرمایہ کاری دے مواقع ڳولݨ، قابل تجدید توانائی اتے کاروباری شعبیاں اچ تعاون دے معاملیاں تے ڳالھ مہاڑ کیتی۔ انہاں صحت، پارلیمانی تعاون، تعلیم و عوامی روابط دے شعبیاں اچ ڳانݙھا ودھاوݨ تے وی الایا۔ جمہوریہ چیک دے سفیر پاکستان اچ تجارت، کاروبار، صحت و توانائی دے شعبیاں اچ تعاون دی دلچسپی ݙکھائی اتے پاکستانی امب برآمد کرݨ اچ وی دلچسپی ظاہر کیتی۔ سفیر ݙسایا جو جمہوریہ چیک دے وزیر اعظم مئی 2025 اچ اسلام آباد دا دورہ کریسن۔
