وزیراعظم محمد شہباز شریف 19 توں 22 مارچ تئیں سعودی عرب دا سرکاری دورہ کریسن، دفتر خارجہ

اسلام آباد۔18مارچ  (اے پی پی) وزیراعظم محمد شہباز شریف 19 توں 22 مارچ تئیں سعودی عرب دا سرکاری دورہ کریسن۔ ترجمان دفترخارجہ توں منگل کوں جاری بیان موجب وزیراعظم دے دورے دا مقصد ݙوپاسہ تعلقات کوں مضبوط ٻݨاوݨ، اقتصادی تعاون ودھاوݨ اتے ݙوہیں ملکاں وچال سرمایہ کاری کوں ودھاوݨ اے۔  وفد اچ نائب وزیراعظم اتے وزیر خارجہ سینیٹر محمد اسحاق ڈار سودھے اہم وفاقی وزراء اتے اعلیٰ حکام وی شامل ہوسن۔ دورے اچ وزیراعظم سعودی ولی عہد اتے وزیراعظم محمد بن سلمان نال ملاقات کریسن۔ بیان اچ آکھیا ڳئیا جو آپسی دلچسپی اتے تشویش دے معاملے بشمول عالمی اتے علاقائی پیش رفت خصوصی طور غزہ دی صورتحال دے علاوہ مشرق وسطیٰ دی ابھردی ہوئی صورتحال دے نال نال امت مسلمہ دے مسئلیاں بارے ایجنڈے اُتے ہوسن۔