اسلام آباد۔18مارچ (اے پی پی) وفاقی وزیر پٹرولیم علی پرویز ملک نال ترکمانستان دے سفیر عطا جان موولاموف ملاقات کیتی۔ ترجمان پٹرولیم ڈویژن توں جاری اعلامیہ موجب ملاقات ترکمانستان اتے پاکستان وچال ݙوطرفہ تعلقات تکڑے بݨاوݨ تے توانائی دے شعبے اچ تعاون کوں اڳوں ودھواݨ سانڳے اہم قدم اے۔ ایں موقع تے سفیر موولاموف وفاقی وزیر علی پرویز ملک کوں عہدہ سنبھالݨ دی مبارخ ݙتی تے پاکستان دے توانائی …
وفاقی وزیرعلی پرویز ملک نال ترکمانستان دے سفیر عطا جان موولاموف دی ملاقات
مزید خبراں
اسلام آباد۔18مارچ (اے پی پی) وفاقی وزیر پٹرولیم علی پرویز ملک نال ترکمانستان دے سفیر عطا جان موولاموف ملاقات کیتی۔ ترجمان پٹرولیم ڈویژن توں جاری اعلامیہ موجب ملاقات ترکمانستان اتے پاکستان وچال ݙوطرفہ تعلقات تکڑے بݨاوݨ تے توانائی دے شعبے اچ تعاون کوں اڳوں ودھواݨ سانڳے اہم قدم اے۔ ایں موقع تے سفیر موولاموف وفاقی وزیر علی پرویز ملک کوں عہدہ سنبھالݨ دی مبارخ ݙتی تے پاکستان دے توانائی دے شعبے اچ پائیدار ترقی سانڳے انہاں دی قیادت تے اعتماد دا اظہار کیتے۔ملاقات اچ ترکمانستان دے سفیر ݙوہیں ملکاں وچال وݙے عرصے توں تعلقات اتے سانجھے مفادات خصوصاً توانائی دے شعبے تے زور ݙتا ۔ وفاقی وزیر پٹرولیم علی پرویز ملک آکھیے ݙوہیں ملکاں وچال ثقافتی اتے معاشی تعاون دی ھک تاریخ اے جیڑھا جو سانجھے احترام اتے علاقائی خوشحالی دے مشترکہ جذبے تے مبنی اے۔ انہاں پاکستان دی توانائی دے شعبے اچ انفراسٹرکچر کوں چنڳاں بݨاوݨ تے غیر ملکی سرمایہ کاری کوں سوکھا بݨاوݨ دی حکمت عملی تے روشنی پاتی انہاں پاکستان دے ترکمانستان نال تعاون ودھاوݨ تے تعاون دے نویں رستے ڳولݨ دا عزم کیتے ۔ وفاقی وزیر کل اشک آباد اچ تھیوݨ آلی بین الاقوامی کانفرنس بعنوان “بین الاقوامی سال امن اتے اعتماد: پائیدار ترقی یقینی بݨاوݨ اچ بین العلاقائی معاشی تعاون دا کردار” سانڳے اپݨی نیک خواہشات دا اظہار کیتے۔ ملاقات اچ تبادلیں کوں برقرار رکھݨ تے پائیدار توانائی دے حل کوں ودھاوݨ سانڳے تکنیکی تعاون ودھاوݨ دے سانجھے عزم دا اظہار کیتا ڳئے ۔ ݙوہیں فریقاں اپݨے اپݨے ملکاں تے وسیع تر علاقے سانڳے توانائی دی سلامتی اتے معاشی خوشحالی گھنݨ اچ ݙو پاسے تعاون دی اہمیت تے اتفاق کیتے۔
