اسلام آباد۔19مارچ (اے پی پی) وزیرِ اعظم محمد شہباز شریف اعلیٰ سطحی وفد دے رَلے 19 توں 22 مارچ 2025 تئیں سعودی عرب دے سرکاری دورے تے روانہ تھی ڳئے۔ بدھ کوں وزیراعظم آفس دے میڈیا ونگ توں جاری بیان موجب وزیراعظم دے دورے دا مقصد ݙوپاسہ تعلقات کوں مضبوط ٻݨاوݨ، اقتصادی تعاون ودھاوݨ اتے ݙوہیں ملکاں وچال سرمایہ کاری کوں ودھاوݨ اے۔ وفد اچ نائب وزیراعظم اتے وزیر خارجہ …
وزیرِ اعظم شہباز شریف وفد دے رَلے سعودی عرب روانہ تھی ڳئے
مزید خبراں
اسلام آباد۔19مارچ (اے پی پی) وزیرِ اعظم محمد شہباز شریف اعلیٰ سطحی وفد دے رَلے 19 توں 22 مارچ 2025 تئیں سعودی عرب دے سرکاری دورے تے روانہ تھی ڳئے۔ بدھ کوں وزیراعظم آفس دے میڈیا ونگ توں جاری بیان موجب وزیراعظم دے دورے دا مقصد ݙوپاسہ تعلقات کوں مضبوط ٻݨاوݨ، اقتصادی تعاون ودھاوݨ اتے ݙوہیں ملکاں وچال سرمایہ کاری کوں ودھاوݨ اے۔ وفد اچ نائب وزیراعظم اتے وزیر خارجہ سینیٹر محمد اسحاق ڈار سودھے اہم وفاقی وزراء اتے اعلیٰ حکام وی شامل ہن۔ دورے اچ وزیراعظم سعودی ولی عہد اتے وزیراعظم محمد بن سلمان نال ملاقات متوقع اے۔ ملاقات اچ ݙوہیں رہنما تجارت ودھاوݨ، اہم شعبیاں اچ سانجھے داری ودھاوݨ اتے اقتصادی تعاون کوں سوکھا ٻݨاوݨ بارے ڳالھ مہاڑ کریسن۔ ݙوہیں رہنماواں دی ڳالھ مہاڑ اچ جآپسی دلچسپی اتے تشویش دے معاملے بشمول عالمی اتے علاقائی پیش رفت خصوصی طور غزہ دی صورتحال دے علاوہ مشرق وسطیٰ دی ابھردی ہوئی صورتحال دے نال نال امت مسلمہ دے مسئلیاں بارے ایجنڈے اُتے ہوسن۔
