ایوان کوں ہمیشہ غیر جانبداری نال چلائے، سپیکر قومی اسمبلی سردار ایاز صادق

اسلام آباد۔20مارچ(اے پی پی) سپیکر قومی اسمبلی سردار ایاز صادق نال ہاورڈ یونیورسٹی امریکہ دی طلبا ایسوسی ایشن دے وفد ملاقات کیتی ۔سپیکر وفد کوں پارلیمان اچ تھیوݨ آلی قانون سازی،اہم قومی علاقائی اتے عالمی امور تے طالبیں کوں پاکستان دے نقطہ نظر دا ݙسائے ۔ سپیکر وفد نال ڳالھ کریندے آکھیے پاکستان کوں دہشتگردی اتے موسمیاتی تبدیلیاں جیھے سنگین خطریں دا سامݨا اے ۔ پڑوسی ملک افغانستان دی سرزمین پاکستان دے خلاف دہشتگردی سانڳے استعمال تھیندی پئی اے ۔ افغانستان دہشت گرداں دی محفوظ آماجگاہ بݨیا ہویا اے ۔ پاکستان اچ دہشت گردی دی بھاہ خطے دے ٻئے ملکاں تئیں وی کھنڈ سڳدی اے ۔ انہاں آکھیے ایں بھاہ توں ہمسایہ ملک وی محفوظ نہ رہسن ، دنیا کوں ایندا نوٹس گھنݨا ہوسی ۔پاکستان کئی واری افغان عبوری حکومت کوں دہشت گرد تنظیماں دے خلاف شواہد ݙے چکیے ۔افغان سرزمین دے پاکستان دے خلاف استعمال دا معاملہ کئی موقع تے اقوام متحدہ اچ وی چاتے ۔اعلی امریکی عہدے داراں کوں ایں تشویشناک صورتحال دی آگاہی ݙتی ڳئی ۔ دہشت گرد  افغانستان اچ چھوڑیا ڳیا جدید ترین امریکی اسلحہ استعمال کریندے پئن ۔ پاکستان دی بہادر سکیورٹی فورسز دہشتگردی نال نبڑدی پئی اے ۔ پاکستان دہشتگردی دے خلاف جنگ اچ باری قیمت چکائی ۔قوم تے سکیورٹی فورسز دہشتگردی دی جنگ اچ 90 ہزار توں ودھ جاناں دا نذرانہ پیش کیتے ۔پاکستان ہمسائے ملکاں نال چنڳے تعلقات چاہندے ۔ پاکستان وݙے عرصے تئیں 4.6 ملین افغان مہاجرین دا ٻوجھ چاتے ۔پاکستان اچ جمہوریت بتدریج اڳوں ودھدی پئی اے ۔ پاکستان دنیا اچ موسمیاتی تبدیلیاں توں متاثر تھیوݨ آلے ملکاں اچ پہلی صف اچ شامل اے۔2017 اچ ملک دے وزیراعظم کوں آپݨے پُترتوں تنخواہ نہ گھنݨ تے نااہل کیتا ڳیا ہئی۔ اڄ وی اپوزیشن دی وݙی جماعت حکومت کوں نقلی تے غیر قانونی قرار ݙیندی اے ۔اپوزیشن ایں پارلیمان اچ قائد حزب اختلاف، چیئرمین پی اے سی تے قائمہ کمیٹیاں دے چیئرمیناں دے عہدیں تے وی براجمان اے۔ اپوزیشن صرف پوائنٹ سکورنگ کیتی ھک واری وی عوامی تے ملکی مسئلیں تے ڳالھ نی کیتی ۔ بطور کسٹوڈین آف ہاؤس ایوان کوں ہمیشہ غیر جانبداری  نال چلائے۔ اپوزیشن کوں حکومت توں ودھ ٹائم ݙتا جݙاں جو پروڈکشن آرڈرز دے معاملے تے ھک قدم اڳوں ودھݨ دا فیصلہ کیتے ۔سوشل میڈیا تے پاکستان دی مثبت عکاسی نی کیتی ویندی پاکستان دے حقیقی تشخص دا پتہ پاکستان اچ آتے چلدے۔