سندھ ہائی کوٹ اتے لاہور ہائی کورٹ دے فیصلاں نال 34.5 ارب روپے قومی خزانے اچ جمع تھئین جیندے نال عوامی فلاحی منصوبے ٻݨسن۔ وزیراعظم شہبا ز شریف

مکہ مکرمہ۔21مارچ(اے پی پی)وزیراعظم محمد شہباز شریف آکھیے جو سندھ ہائی کوٹ اتے لاہور ہائی کورٹ دے فیصلاں نال 34.5 ارب روپے قومی خزانے اچ جمع تھئین جیندے نال عوامی فلاحی منصوبے ٻݨسن، پاکستان کوں تیکھے خود کفیل ٻݨیسوں۔ وزیراعظم محمد شہباز شریف دے معاشی اصلاحات دے وژن اتے ایف بی آر دی کارکردگی اچ بہتری پاروں کامیابیاں دا سلسلہ جاری اے، وزیراعظم فنانس ایکٹ 2023 اچ بینکاں دی اضافی آمدن ( ونڈ-فال آمدن) تے لائے گئے ٹیکس دے حکم امتناع دے مقدمات دا نوٹس ڳھندے وزیر قانون، وزیرِ خزانہ، اٹارنی جنرل اتے چیئرمین ایف بی آر کوں انہاں مقدمات دی پیروی کیتے بہترین ٹیم ٻݨاوݨ دی ہدایت کیتی ھئی۔پچھلے ہک مہینے اچ ٹیم دیاں کوششاں پاروں پہلے سندھ ہائی کوٹ دے فیصلاں نال 23  ارب روپے ڄݙاں جو لاہور ہائی کورٹ دے فیصلاں نال 11.5 ارب روپے ریکور کیتے ڳن۔ وزیراعظم وزیرِ قانون و انصاف اعظم نذیر تارڑ، وزیرِ خزانہ محمد اورنگزیب، اٹارنی جنرل منصور اعوان، چیئرمین ایف بی آر راشد محمود لنگڑیال، سیکرٹری خزانہ امداد بوصال اتے انہاں دی ٹیم دی تعریف کیتی۔ وزیرِ اعظم آکھیا جو ایںجھے تخلیقی و مضبوط اقدامات نال ہی ٹیکس کولیکشن ودھݨ اتے معیشت اچ بہتری دی امید کیتی ونڄ سڳدی اے۔