پاکستان عالمی برادری نال توانائی دے تحفظ، ماحولیاتی استحکام اتے موسمیاتی اقدامات دے عزم دی تجدید کریندے، صدر مملکت آصف علی زرداری

اسلام آباد۔22مارچ(اے پی پی) صدر مملکت آصف علی زرداری آکھیے عالمی یوم آب دے موقع تے پاکستان عالمی برادری نال توانائی دے تحفظ، ماحولیاتی استحکام تے موسمیاتی اقدامات دے عزم دی تجدید کریندے توانائی دے محفوظ مستقبل سانڳے بجلی، ایندھن دی بچت اتے قابل تجدید توانائی دا ودھارا ضروری اے ۔ایوان صدر پریس ونگ توں جاری بیان موجب ارتھ آور اتے عالمی یوم آب 2025  تے جاری سنھیے اچ صدر مملکت آکھیے ارتھ آور تے غیر ضروری لائٹس بند کرݨ توانائی دے استعمال  تے کاربن فٹ پرنٹ گھٹ کرݨ دے عزم دی علامت اے ، ایندھن دیاں ودھدیاں قیمتاں ، توانائی شعبے دے مسئلے توں پاکستان دی معیشت اتے ماحول کوں شدید خطرہ اے ۔صدر مملکت آکھیے توانائی دے محفوظ مستقبل سانڳے بجلی، ایندھن دی بچت اتے قابل تجدید توانائی دا ودھارا ضروری اے ،بجلی بچاوݨ، توانائی  اتے ایندھن بچاوݨ آلے آلات دے استعمال ، پبلک ٹرانسپورٹ دے ودھارے دی لوڑھ اے ۔صدر مملکت آکھیے اڄوکے سال ارتھ آور عالمی یوم آب 2025 نال منایا ویندا پئے ، پاکستان اچ پاݨی دی قلت ھک سنگین مسئلہ، وختی اقدامات دی لوڑھ اے ،صاف تے پیوݨ سانڳے محفوظ پاݨی دی دستیابی یقینی بݨاوݨ سانڳے اقدامات ضروری ہن ۔صدر ممکت آکھیے 2022 دی تباہ کن چھل موسمیاتی تبدیلی دے ساݙے ملک تے مہلک اثرات دی واضح مثال ہن،آبی ذخیرے دے تحفظ تے پائیدار زرعی طریقیں کوں ودھارا ݙیوݨ ویلھے دی لوڑھ اے ۔ صدر مملکت دعوت ݙتی جو آؤ رل تے آپݨے ملک تے ایں زمین کوں ماحولیاتی تبدیلی دے خطرے توں محفوظ بݨاوݨ اچ کردار نبھاؤں۔