بیگم نصرت بھٹو  دی زندگی جرأت، قربانی اتے جمہوریت توں غیر متزلزل وابستگی دی علامت ہئی،صدر مملکت آصف علی زرداری

اسلام آباد۔23مارچ(اے پی پی) صدر مملکت آصف علی زرداری  آکھیے بیگم نصرت بھٹو  دی زندگی جرأت، قربانی تے جمہوریت توں غیر متزلزل وابستگی دی علامت ہئی، انہاں آمریت دے تاریک ترین دور دا بہادری نال سامݨا کیتا ،جمہوریت دی بحالی دی جدوجہد دی قیادت کیتی۔صدر مملکت بیگم نصرت بھٹو دی 96 ویں سالگرہ دے موقع تے ایوان صدر پریس ونگ توں جاری سنھیے اچ پاکستانی تاریخ دی عظیم سیاسی شخصیت بیگم نصرت بھٹو کوں انہاں دی 96 ویں سالگرہ تے خراجِ عقیدت پیش کریندوں ،بیگم نصرت بھٹو  دی زندگی جرأت، قربانی اتے جمہوریت نال غیر متزلزل وابستگی دی علامت ہئی، انہاں آمریت دے تاریک ترین دور دا بہادری نال سامݨا کیتا، بیگم نصرت بھٹو جمہوریت دی بحالی دی جدوجہد دی قیادت کیتی۔ صدر مملکت آکھیے بیگم نصرت بھٹو بے پناہ ذاتی اتے سیاسی اوکھ کوں صبر تے وقار نال برداشت کیتا،  اپݨے شوہر دی ناانصافی تے مبنی گرفتاری تے شہادت اتے سیاسی انتقام دے بدترین حالات دا سامݨا کیتا،او اپݨے عزم و استقلال تے قائم رہیاں، پاکستان پیپلز پارٹی کوں تاریک دور اچ سنبھالا ݙتا۔  صدر مملکت  آصف علی زرداری آکھیے بیگم نصرت بھٹو دی جمہوریت سانڳے قربانیاں تے خدمات ہمیشہ یاد رکھیاں ویسن ،اللہ تعالیٰ بیگم نصرت بھٹو کوں جنت الفردوس اچ اعلیٰ مقام عطا کرے۔