جدہ ۔26مارچ(اے پی پی) وفاقی وزیر مذہبی امور و بین المذاہب ہم آہنگی سردار محمد یوسف سعودی وزیر حج و عمرہ ڈاکٹر توفیق بن فوزان الربیعہ نال ملاقات کیتی تے جئیں اچ حج سودھے سانجھی دلچسپی دے ٻئے امور تے ڳالھ مہاڑ کیتی ۔ ترجمان مذہبی امور موجب سعودی وزیر وزارت مذہبی امور دا قلمدان سنبھالݨ تے سردار محمد یوسف کوں مبارخ ݙتی ،ملاقات اچ عازمین حج اتے عمرہ …
وفاقی وزیرمذہبی امور سردار محمد یوسف دی سعودی وزیر حج و عمرہ ڈاکٹر توفیق بن فوزان الربیعہ نال ملاقات
مزید خبراں
جدہ ۔26مارچ(اے پی پی) وفاقی وزیر مذہبی امور و بین المذاہب ہم آہنگی سردار محمد یوسف سعودی وزیر حج و عمرہ ڈاکٹر توفیق بن فوزان الربیعہ نال ملاقات کیتی تے جئیں اچ حج سودھے سانجھی دلچسپی دے ٻئے امور تے ڳالھ مہاڑ کیتی ۔ ترجمان مذہبی امور موجب سعودی وزیر وزارت مذہبی امور دا قلمدان سنبھالݨ تے سردار محمد یوسف کوں مبارخ ݙتی ،ملاقات اچ عازمین حج اتے عمرہ زائرین سانڳے سہولتاں تے روڈ ٹو مکہ منصوبے دا دائرہ پاکستان دے ٻئے شہراں تئیں کھنڈاوݨ متعلق ڳالھ مہاڑ کیتی ڳئی ۔ سردار محمد یوسف اپݨے سعودی ہم منصب نال ڳالھ کریندے آکھئے عازمین حج کوں بہترین سہولتاں ݙیوݨ تے فرمانروا شاہ سلمان بن عبدالعزیز اتے ولی عہد شہزادہ محمد بن سلمان کوں خراج تحسین پیش کرینداں ،پاکستان تے سعودی عرب دے تعلقات مشترکہ عقیدے، تاریخ اتے ثقافت تے استوار ہن ۔ سعودی وزیر حج آکھئے ہر سال پاکستان توں عازمین حج دی وݙی تعداد سعودی عرب آندی اے انہاں دی خدمت کرݨ باعث شرف اے۔سردار محمد یوسف سعودی ہم منصب نال عازمین حج دی رجسٹریشن دے مسئلے تے ڳالھ کیتی جئیں تے انہاں ترجیحی بنیاد تے پاکستانی عازمین دے مسئلے مکاوݨ دا یقین ݙیوائے،انہاں آکھئے عازمین حج اتے معتمرین کوں سہولتاں ݙیوݨ سعودی حکومت دی ترجیحات اچ شامل اے،پاکستانی عازمین حج کوں پہلے توں ودھ تے تعاون پیش کرینسوں ۔ سردار محمد یوسف آکھئے پاکستانی عازمین حج دی سہولت سانڳے سعودی وزیردی خصوصی توجہ باعث مسرت اے۔ملاقات اچ سعودی نائب وزیر حج و عمرہ ڈاکٹر عبد الفتاح مشاط، پاکستانی سفیر احمد فاروق تے ڈی جی حج عبدالوہاب سومرو وی شریک تھئن۔
