وزیرخزانہ محمد اورنگزیب دا بواؤ فورم برائے ایشیا توں خطاب

بواؤ ۔26مارچ(اے پی پی) وفاقی وزیر خزانہ و محصولات  سینیٹر محمد اورنگزیب جامع عالمی معیشت اچ مزاحم غیر منصفانہ تجارتی طریقہ ہائے کار  تے مارکیٹ تئیں رسائی اچ رکاوٹاں ہٹاوݨ تے زور ݙیندے آکھئے جامع عالمی معیشت انتخاب نی لوڑھ اے ، پاکستان، جیھے ٻہوں ترقی پذیر ملک ایجھی عالمگیریت دا ماڈل چاہندن جو منصفانہ تجارت، پائیدار ترقی، اتے منصفانہ مالیاتی نظام کوں ودھارا ݙیوے۔ اے ڳالھ انہاں بواؤ فورم ایشیاء سالانہ کانفرنس 2025 توں خطاب کریندے آکھی ۔ وزیر خزانہ ساریں کیتے جامع عالمی معیشت کیتے رستے تے اقدامات دے موضوع تے کلیدی خطاب کیتے تے ایں حوالے نال اہم امور تے روشنی پاتی ۔ انہاں منصفانہ مارکیٹ تئیں رسائی، علاقائی رابطے ودھاوݨ تے جامع عالمی معیشت دے ودھارے سانڳے تکڑے کثیر الجہتی تعاون دی لوڑھ تے زور ݙتے ۔وزیر خزانہ آکھیے جامع عالمی معیشت اچ مزاحم غیر منصفانہ تجارتی طریقہ ہائے کار اتے مارکیٹ تئیں رسائی اچ رکاوٹاں ہٹاوݨ دی لوڑھ اے ۔ انہاں آکھئے جامع عالمی معیشت ھک انتخاب کائنی بلکہ لوڑھ اے ۔وزیر خزانہ محمد اورنگزیب آکھیے عالمی معیشت بلاشبہ معاشی ترقی کوں اڳوں ودھائے تاں جو اے ہݨ وی ٻہوں غیر مساوی تے ٹکڑیں اچ ونڈی ہوئی اے ، ایجھی معیشت دا زیادہ تر فیدہ ترقی یافتہ معیشتاں کوں تھیندے جݙاں جو جنوبی ملکاں کوں نظرانداز کیتا ویندے ۔ انہاں آکھئے ترقی پذیر ملکاں کوں زیادہ محصولات اتے تجارتی پابندیاں دا سامݨا اے جیڑھا جو انہاں کوں عالمی معیشت اچ رلاوݨ توں روکیندن ۔ وزیر خزانہ محمد اورنگزیب اپݨے خطاب اچ شمولیتی تجارت سانڳے عالمی اتحاد دی تشکیل دی تجویز ݙتی تے آکھئے ترقی پذیر ملکاں کوں اجتماعی طورتے منصفانہ تجارتی اصولاں اتے عالمی مالیاتی اداریں اچ بہتر نمائندگی دے مطالبے سانڳے اتحاد بݨاوݨا چاہیدے ۔ وزیر خزانہ آکھئے قرضیں دی معافی اتے مالیاتی انصاف گھنݨ سانڳے گروپ  20 اتے آئی ایم ایف کوں خودمختار قرض دے نظام کوں ول ترتیب ݙیوݨا چاہیدے ۔معاشی ترقی اچ رکاوٹ بݨݨ آلے قرض دے بحراناں کوں روکݨ دی لوڑھ اے ۔ وزیر خزانہ آکھئے عالمی ای-کامرس دی توسیع پاکستان دے چھوٹے اتے درمیانے درجے دے کاروباراں (SMEs) کوں بااختیار بݨا سڳدی اے تے جامع اقتصادی شرکت کوں اڳوں ودھا سڳدی اے۔ وزیر خزانہ آکھیے ماحولیاتی تبدیلی اتے ماحولیاتی عدم مساوات کوں ہٹاوݨ دی لوڑھ اے ،ماحول سانڳے نقصان دہ گیساں دے خارج تھیوݨ اچ پاکستان دا حصہ ھک فیصد توں گھٹ اے تاں جو موسمیاتی تبدیلی دے لحاظ نال 10 ساریں توں ودھ خطرے توں ݙوچار ملکاں اچ شامل اے۔