اسلام آباد۔26مارچ(اے پی پی)وفاقی وزیر خزانہ سینیٹر محمد اورنگزیب آکھیے جو پاکستان چین دے تجربات توں فیدہ چاوݨ چاہندے، وزیر اعظم دی خواہش تے تیکھے پاکستان توں ہک ہزار طلباء و ماہرین زراعت چین بھیڄیے ویسن۔ اے ڳالھ انہاں چین دے جنوبی صوبے ہائی نان کے بوآئو اچ تھیوݨ آلی بوائو فورم برائے ایشیا سالانہ کانفرنس 2025 اچ (چائنا گلوبل ٹیلی ویژن نیٹ ورک) کوں انٹرویو اچ آکھی۔ وزیر …
پاکستان چین دے تجربات توں فیدہ چاوݨ چاہندے، وزیر اعظم دی خواہش تے تیکھے پاکستان توں ہک ہزار طلباء و ماہرین زراعت چین بھیڄیے ویسن، وزیرخزانہ دا سی جی ٹی این کوں انٹرویو
مزید خبراں
اسلام آباد۔26مارچ(اے پی پی)وفاقی وزیر خزانہ سینیٹر محمد اورنگزیب آکھیے جو پاکستان چین دے تجربات توں فیدہ چاوݨ چاہندے، وزیر اعظم دی خواہش تے تیکھے پاکستان توں ہک ہزار طلباء و ماہرین زراعت چین بھیڄیے ویسن۔ اے ڳالھ انہاں چین دے جنوبی صوبے ہائی نان کے بوآئو اچ تھیوݨ آلی بوائو فورم برائے ایشیا سالانہ کانفرنس 2025 اچ (چائنا گلوبل ٹیلی ویژن نیٹ ورک) کوں انٹرویو اچ آکھی۔ وزیر خزانہ ݙوہاں ملکاں وچال قائم دیرپا و پائیدار طویل مدتی تعلقات اتے چین ولوں پاکستان کوں ملݨ آلی مادا دا ݙسیندے آکھیے جو دنیا دی ݙوڄھی وݙی معیشت ہوندے اساں چین توں ٻہوں کڄھ سیکھݨ چاہندے ہیں۔ انہاں بیلٹ اینڈ روڈ منصوبے دے تحت پاکستان اچ بنیادی ڈھانچہ، توانائی دے شعبے اچ چینی سرمایہ کاری اتے ایں سانڳے پاکستان کوں چین توں ملݨ آلی تکنیکی و مالی امداد دا ذکر کریندے آکھیے جو پاکستان دے زرعی شعبے دی بحالی اتے ایکوں ترقی دا حقیقی انجن ٻݨاوݨ کیتے اقدامات جاری ہین، ایں سانڳے اساں چین نال تعاون چہندے ہیں، وزیر اعظم شہباز شریف پچھیلیاں گرمیاں اچ دورہ چین اچ شیانگ صوبے دیاں زرعی جامعات اتے عمودی زراعت کوں ݙٹھے، وزیر اعظم دی خواہش تے چینی ماہرین کولوں تربیت و مہارت اتے ٹیکنالوجی ٹرانسفر کیتے پاکستان توں تیکھے ہک ہزار طلباء و ماہرین زراعت چین بھیڄیے ویسن۔ انہاں مستقبل کیتے پاکستان کوں چینی امداد دی بجائے چینی سرمایہ کاری اتے چین توں تکنیکی مدد دی خواہش کیتی اتے آکھیا جو زراعت، اے آئی اتے ٹیکنالوجی دے شعبیاں اچ چین دی سرمایہ کاری اتے تکنیکی امداد دی ودھ گنجائش موجود اے۔ وزیر خزانہ چین ولوں ماحول دوست گرین منصوبیاں اتے ماحولیاتی استحکام دے شعبیاں اچ نمایاں پیش قدمی کوں ڄڳ کیتے مشعل راہ قرار فتے اتے انہاں شعبیاں اچ چین دے تجربات توں فیدہ چاوݨ دا آکھیے۔
