پاکستان دا روس اتے یوکرین وچال محدود جنگ بندی دا خیر مقدم

اسلام آباد۔27مارچ(اے پی پی)پاکستان روس اتے یوکرین وچال طے تھیوݨ آلی محدود جنگ بندی دا خیرمقدم کیتے جیندے اچ توانائی دے انفراسٹرکچر تے حملیاں اتے بحیرہ اسود اچ محفوظ جہاز رانی سانڳے اتفاق کیتا ڳئے۔ ترجمان دفتر خارجہ شفققت علی خان ہفتہ وار پریس بریفنگ اچ آکھیے جو پاکستان امریکی انتظامیہ اتے قیادت دی ایں معاہدے اچ سرگرم کوششاں کوں منیندے، امید اے جو انہاں ابتدائی اقدامات نال جامع اتے مستقل جنگ بندی ممکن تھیسی، پاکستان ہمیشہ روس اتے یوکرین دے معاملے تے مذاکرات، سفارتکاری، فوری جنگ بندی اتے معاملے دے پرامن حل دی حمایت کیتی اے۔ ترجمان شام تے اسرائیلی حملیاں دی مذمت کریندے آکھیے جو تے اسرائیل دے مسلسل حملے، 1974 دے فورسز علیحدگی معاہدے دی خلاف ورزیاں اتے شام اچ غیرمعینہ مدت تئیں موجودگی اتے مکمل فوج زدہ کرݨ دے اعلان “ناقابل قبول” ہین، شام اچ پائیدار امن دا انحصار ہک قابل اعتماد سیاسی منتقلی، قومی اتحاد، مصالحت اتے جامع حکمرانی تے اے۔ ترجمان مقبوضہ کشمیر اچ بھارتی مظالم تے وی چنتا کیتے اتے آکھیے جو مقبوضہ جموں و کشمیر اچ کل جماعتی حریت کانفرنس دے اراکین دے گھراں تے بھارتی حکام دی چھاپے مار کارروائیاں افسوسناک ہین، بھارتی حکام انہاں جابرانہ اقدامات کوں روکن اتے کشمیریاں کوں انہاں دے جائز بنیادی حقوق بحال کرن۔ بلوچستان بارے اقوام متحدہ دے اقدامات تے ولدا ݙیندے ترجمان آکھیے جو اے تبصرے توازن اتے تناسب توں ہٹ تے ہین، اینڄھے عناصر صرف مظاہرین نئیں ٻھل بدامنی اتے تشدد دی وݙی مہم دے سرگرم کردار ہین، جیڑھے دہشت گرداں نال رل تے کم کریندے پین۔ ترجمان افغانستان کیتئے خصوصی نمائندے سفیر محمد صادق دے حالیہ دورے تے آکھیے جو افغانستان دے قائم مقام وزیر خارجہ امیر خان متقی نال ملاقات اچ فریقین باہمی مفاد دے مسلیاں تے الائے جیندے اچ امن و سلامتی، تجارت اتے اقتصادی تعاون سودھا عوام وچال رابطے شامل ہین۔ دانہاں ݙوطرفہ تعاون ودھاوݨ کیتے اعلیٰ سطح مشاورت اتے مکالمے ودھاوݨ تے وی اتفاق کریندے پائیدار خطائی امن و استحکام سانڳے باہمی فائدہ مند ݙوطرفہ تعلقات تکڑے کرݨ دا وی عزم دوہرائے۔