صدر مملکت دا ضلع شمالی وزیرستان اتے ڈیرہ اسماعیل خان اچ 11 خوارج  کوں جہنم واصل کرݨ تے سکیورٹی فورسز کوں خراج تحسین

اسلام آباد۔28مارچ(اے پی پی)صدر مملکت آصف علی زرداری سکیورٹی فورسز ولوں ضلع شمالی وزیرستان اتے ڈیرہ اسماعیل خان اچ مختلف کارروائیاں اچ 11 خوارج کوں جہنم واصل کرݨ تے فورسز کوں خراج تحسین پیش کیتے۔ صدر مملکت انٹیلیجنس کارروائی اچ فتنتہ الخوارج دے دہشت گرداں کوں مکاوݨ تے سکیورٹی فورسز دی بہادری دی تعریف کریندے آکھیے جو سکیورٹی فورسز دہشت گردی مکاوݨ کیتے کاروائیاں کرینداں پین، پوری قوم دہشت گردی دے خلاف اپݨی سکیورٹی فورسز دے نال اے۔ صدر مملکت ملک توں فتنتہ الخوارج دے مکمل خاتمے دا عزم دوہرائے۔