بھارت اقلیتاں دے حقوق دا علمبردار بݨݨ دے قابل کائنی ، پاکستانی ریاستی ادارے پالیسی دے طور تے اقلیتاں دے تحفظ  سانڳے فعال کردار ادا کریندن، ترجمان دفتر خارجہ

اسلام آباد۔29مارچ(اے پی پی) ترجمان دفتر خارجہ آکھئے بھارت اقلیتاں دے حقوق دا علمبردار بݨݨ دے قابل کائنی ، کیوں جو او خود انھاں حقوق دی تسلسل توں خلاف ورزی کریندا آندے ، پاکستان اچ ریاستی ادارے پالیسی دے طور تے اقلیتاں دے تحفظ سانڳے فعال کردار ادا کریندن ۔ ترجمان بھارتی وزیر خارجہ دے لوک سبھا اچ ݙتے ڳئے بیان تے پاکستان اچ اقلیتاں دی صورتحال تے تھیوݨ آلی بحث متعلق ذرائع ابلاغ دے چاتے ڳئے سوالاں د جواب اچ آکھئے بھارت اقلیتاں دے حقوق دا علمبردار بݨݨ دے قابل کائنی ، کیوں جو او خود انھاں حقوق دی تسلسل نال خلاف ورزی کریندا آندے ۔ ترجمان دفتر خارجہ واضح کیتے جو پاکستان اچ ریاستی ادارے پالیسی دے طور تے اقلیتاں دے تحفظ سانڳے فعال کردار ادا کریندن ۔ایندے برعکس، بھارت اچ اقلیتاں دے خلاف اکثر واقعات حکمران جماعت دے کجھ عناصر دی ایماء تے یا حتیٰ کہ شمولیت نال پیش آندن ۔ ترجمان آکھئے بھارت اچ  اقلیتاں دے خلاف نفرت، امتیازی سلوک اتے تشدد کوں منظم طور تے ہوا ݙیوݨ دے واقعات دستاویزی شکل اچ موجود ہن ۔ امتیازی شہریت ترمیمی ایکٹ (سی اے اے) توں گھن تے گھراں کوں بلڈوز کرݨ تئیں  2002 دے گجرات قتل عام توں گھن تے 2020 دے دہلی فسادات تئیں: 1992 اچ بابری مسجد دے انہدام توں گھن تے 2024 اچ ایندے ملبے تے مندر دی تعمیر تئیں: گاؤ دے تحفظ دی آڑ اچ تشدد اتے پر ہجوم  تشدد دے واقعات توں گھن تے مسیتاں تے مزارات تے حملے—ہندوستان دا ریکارڈ مسلماناں سودھے اقلیتاں دے بنیادی حقوق دی سنگین اتے منظم خلاف ورزیاں توں داغدار اے۔ ݙوجھیں کنے اقلیتاں دے حقوق دا ڈھونگ رچاوݨ دی بجائے، ہندوستانی حکومت کوں چاہیدے جو او آپݨی ناکامیاں مکاوے۔ اینکوں چاہیدے جو وا مسلماناں سودھے ساریاں اقلیتاں دی سلامتی، تحفظ اتے بہبود کوں یقینی بݨاوݨ سانڳے ٹھوس اقدامات کرے، اتے انھاں دی عبادت گاہواں، ثقافتی ورثے اتے بنیادی حقوق دا تحفظ کرے۔