نواب شاہ۔30مارچ (اے پی پی) صدر مملکت آصف علی زرداری پاکستان پیپلز پارٹی سندھ دے ورکرز اتے پارٹی قیادت نال بلاول ہاؤس اچ ملاقات کیتی اے۔ایوانِ صدرپریس ونگ توں جاری اعلامیہ موجب ملاقات اچ رکن سندھ اسمبلی اتے پیپلز پارٹی ویمن ونگ دی مرکزی صدر فریال تالپور وی موجود ہن ۔ ایں موقع تے صوبے دی مجموعی سیاسی صورتحال تے ترقیاتی منصوبیں تے ڳالھ مہاڑ توں انڄ صوبے اچ عوامی فلاحی منصوبیں تے پیش آندے مسئلیں تے وی ڳالھ مہاڑ کیتی ڳئی ۔ صدر مملکت آصف علی زرداری حکومت کوں ہدایت کیتی جو عوام کوں پیش آںدے مسئلیں دے ترجیحی بنیاداں تے حل تے ترقیاتی منصوبیں کوں وختی مکمل کیتا ونڄے۔
