اسلام آباد۔30مارچ(اے پی پی) وفاقی وزیرداخلہ محسن نقوی آزاد کشمیر دے علاقے باغ اچ شہید میجر سعد بن زبیر دے گھر ونڄ تے انہاں دے والد، والدہ، بھرا تے ٻئے گھرآلیں نال ملاقات کیتی ۔ انہاں شہید سانڳے فاتحہ پڑھی تے انہاں دی بہادری کوں خراج عقیدت پیش کیتے۔ وفاقی وزیرداخلہ شہید میجر سعد دے والد، والدہ اتے بھرا کوں دلاسہ ݙتے انہاں دے اُچے حوصلے ݙیکھدے آکھئے قوم کوں شہید میجر سعد دی لازوال قربانی تے ماݨ اے ،بہادر سپوت قوم دا نہ بُھلایا ونڄݨ آلا سرمایہ اے۔وزیر داخلہ آکھئے شہید میجر سعد بن زبیر دا اُچا حوصلہ والدین کوں ݙیکھ تے ساݙا عزم تکڑا تھئے ، شہید دے والدین دا جذبہ تعریف دے قابل تے ماݨ دی ڳالھ اے ۔ وزیرداخلہ محسن نقوی شہید میجر سعد بن زبیر دے ثواب سانڳے فاتحہ پڑھی تے ݙکھی خاندان کیتے صبر دی دعا منڳی ۔ وزیر داخلہ محسن نقوی آکھئے جو شہید میجر سعد بن زبیر شہادت دا عظیم رتبہ پاتے۔ قوم کوں شہید میجر سعد بن زبیر دی لازوال قربانی تے ماݨ اے ۔میجر سعد بن زبیر جیھے بہادر سپوت قوم دا نہ بھلایا ونڄݨ آلا سرمایہ ہن ۔وفاقی وزیرداخلہ آکھئے جو ساݙا ایمان اے جو شہید ہمیشہ زندہ رہندن تے شہید میجر سعد بن زبیر ہمیشہ ساݙے دلاں اچ زندہ رہسن ۔میجر سعد بن زبیر کجھ ݙینھ پہلے ژوب دے علاقے سمبازہ اچ شہید تھئے ہن۔
