لاہور ۔30مارچ (اے پی پی) وزیراعظم محمد شہباز شریف اردن دی ہاشمی سلطنت دے فرمانروا، عزت مآب شاہ عبداللہ دوم ابن الحسین نال ٹیلیفونک ڳالھ مہاڑ کیتی تے انہاں کوں عیدالفطر دے پُرمسرت موقع تے دلوں مبارخ ݙتی ۔ وزیر اعظم دفتر دے پریس ونگ توں جاری بیان موجب وزیراعظم شاہ عبداللہ اتے اردن دے بھرا عوام سانڳے نیک تمناواں دا اظہار کیتے۔ݙوہیں رہنماواں غزہ دی موجودہ صورتحال تے وی ڳالھ مہاڑ کیتی ۔ شاہ عبداللہ فلسطینی عوام سانڳے پاکستان دی اصولی حمایت اتے انسانی امداد بھجواوݨ دے اقدام دی تعریف کیتی ۔ وزیراعظم غزہ اچ قیامِ امن، تشدد مکاوݨ تے متاثرہ فلسطینیاں تئیں وختی انسانی امداد ݙیوݨ سانڳے شاہ عبداللہ دوم دی قیادت اچ اردن دی کوششاں کوں خراج تحسین پیش کیتے۔وزیراعظم دفاعی تعاون سودھے مختلف شعبیں اچ اردن نال پاکستان دے تکڑے تے دیرپا ݙوطرفہ تعلقات تے روشنی پاتی تے ݙوہیں بھرا ملکاں دے عوام دے سانجھے فیدے سانڳے انہاں تعلقات کوں مزید ودھاوݨ دا عزم کیتے ۔وزیراعظم شاہ عبداللہ کوں وختی پاکستان دا سرکاری دورہ کرݨ دی دعوت ݙتی ۔ شاہ عبداللہ وی وزیراعظم شہباز شریف کوں اردن دے دورے دی دعوت ݙتی۔
