اسلام آباد۔31مارچ(اے پی پی)وفاقی وزیر اطلاعات و نشریات عطاءاللہ تارڑ پاکستان سودھے پوری دنیا دے مسلماناں کوں عید الفطر دی مبارخ ݙیندے آکھئے رمضان دیاں برکتاں تے رحمتاں دے بعد مٹھی عید اللہ تعالیٰ دا انعام اے۔ عید الفطر دے موقع تے آپݨے سنھیے اچ وفاقی وزیر اطلاعات آکھئے عیدالفطر دا اے پرمسرت موقع اساکوں ایثار، محبت اتے بھرپی دا درس ݙیوݨ دے نال نال ھک ݙوجھے دے ݙکھ اچ شریک تھیوݨ دا سنھیا ݙیندے، عید دیاں خوشیاں اچ انہاں لوکاں کوں وی یاد رکھو جیڑھےکہیں نہ کہیں وججہ توں مصیبتاں دا شکار ہن ، ایں مبارک موقع تے اساں مظلوم کشمیری اتے فلسطینی بھرا بھیݨاں کوں اصلوں نی بھلا سڳدے اساں کشمیریاں تے فلسطینیاں دی اخلاقی و سفارتی حمایت جاری رکھیسوں ۔وفاقی وزیر اطلاعات آکھئے عید الفطر اساکوں اخوت، محبت اتے یکجہتی دا درس ݙیندی اے ۔ انہاں آکھئے آؤ ایں موقع تے اساں سارے ایں عزم دا اعادہ کروں جو اساں ھک مٹھ تھی تے پاکستان دی ترقی تے خوشحالی اتے استھخام سانڳے آپݨا کردار نبھیسوں۔
