لاہور۔31مارچ(اے پی پی) وزیراعظم محمد شہباز شریف بحرین دے بادشاہ نال ٹیلی فونک رابطہ کرتے عیدالفطر دی مبارکباد ݙتی اے۔ وزیراعظم دفتر دے پریس ونگ توں جاری بیان موجب وزیراعظم محمد شہباز شریف مملکت بحرین دے بادشاہ حمد بن عیسیٰ الخلیفہ نال ٹیلیفونک رابطہ کیتے تے انہاں کوں عید الفطر دے پرمسرت موقع تے مبارخ ݙتی ۔ ݙوہیں ملکاں وچال برادرانہ تعلقات کوں اجاگر کریندے وزیراعظم محمد شہباز شریف سانجھی دلچسپی دے سارے شعبیں اچ بحرین نال نیڑے تے خوشگوار تعلقات کوں مزید ودھاوݨ دی پاکستان دی خواہش دا اظہار کیتے۔ وزیراعظم محمد شہباز شریف بحرین دے بادشاہ دا بحرین اچ موجود پاکستانی برادری دی میزبانی دا شکریہ ادا کیتے تے پاکستان اتے بحرین دی فلاح و بہبود اچ بحرین اچ موجود پاکستانی برادری دے کلیدی کردار تے روشنی پاتی۔ عزت مآب شاہ حمد بن عیسیٰ الخلیفہ وزیراعظم دی عید دی مبارخ دا گرمجوشی نال جواب ݙتے تے پاکستانی عوام سانڳے نیک خواہشات دا اظہار کیتے۔ وزیراعظم ڳالھ مہاڑ اچ بحرین دے بادشاہ کوں پاکستان دا سرکاری دورہ کرݨ دی دعوت ݙتی۔
