راولپنڈی۔31مارچ(اے پی پی) آرمی چیف جنرل سید عاصم منیر وانا اتے ڈی آئی خان دا دورہ کیتے تے سرحد تے تعینات افسراں اتے نینگراں نال عید منائی۔پاک فوج دے شعبہ تعلقات عامہ آئی ایس پی آر موجب آرمی چیف نینگراں دی غیرمتزلزل لگن اتے قوم سانڳے مثالی خدمت دی تعریف کیتی تے مسلح افواج، قانون نافذکرݨ آلے اداریں تے خیبرپختونخوا دے عوام کوں سراہے۔ آرمی چیف دا آکھݨ ہئی جو خیبرپختونخوا دے عوام دہشت گردی دی لعنت دے خلاف بہادری دا مظاہرہ کیتے، ملکی دفاع سانڳے فوجی جواناں دا عزم قابل فخر اے۔ آرمی چیف آکھئے تساݙی جڑت تے قربانیاں ساݙے وطن دے تحفظ دی ضمانت ہن ، اے قربانیاں پاکستان نال تساݙی گھاٹی محبت کوں ظاہر کریندن ۔ آرمی چیف شہدا دی قربانیاں کوں خراج عقیدت پیش کیتے تے آکھئے جو امن واستحکام سانڳے شہدا دی جدوجہد ساݙی کامیابی دی بنیاد اے۔آئی ایس پی آر موجب آرمی چیف عید دی نمازپڑھی تے پاکستان دے استحکام اتے خوشحالی سانڳے دعا منڳی۔
