اسلام آباد۔1اپریل(اے پی پی) وزیر دفاع خواجہ محمد آصف قوم کوں عید دی مبارخ ݙیندے قومی سلامتی دے استحکام ، عوامی ریلیف دی ترجیح اتے انسداد دہشت گردی دیاں کوششاں کوں تکھا کرݨ دے غیر متزلزل عزم دا اظہار کیتے۔ وفاقی وزیر آپݨے ھک انٹرویو اچ آکھئے پاکستان دی مسلح افواج اچ دہشت گردی نال نبݨݨ سانڳے اصلاحات کیتیاں ڳئن تے وختی ہی بلوچستان اچ دہشت گردی دے خلاف کامیابی نال کارروائیاں کریسوں۔ ھک سوال دے جواب اچ خواجہ محمد آصف آکھئے بلوچستان دے وسائل صرف کوئٹہ تئیں محدود نی تھیوݨے چاہیدے تے صوبے دی موجودہ صورتحال تے سابقہ مرکزی حکومتاں کوں وی جوابدہ تھیوݨا چاہیدے۔ انہاں ایں ڳالھ دا وی یقین ݙیوائے جو وفاقی حکومت بلوچستان اچ صوبائی حکومت نال پورا تعاون کریسی تے صوبے دے سارے حقیقی مطالبے پورے کریسی ۔ ھک سوال دے جواب اچ خواجہ محمد آصف آکھئے بلوچستان لبریشن آرمی (بی ایل اے) دی دہشت گردانہ سرگرمیاں، بے گناہ مزدوراں دے قتل اچ ملوث تھیوݨ پاروں انہاں نال کوئی ڳالھ مہاڑ نہ کیتی ویسی ۔ انہاں نینگراں تے ملک دی فلاح بہبود سانڳے وزیراعلیٰ پنجاب اتے وزیر اعظم دی کوششاں دی تعریف کیتی ۔وفاقی وزیر مزید آکھئے قوم عید دے بعد بجلی دے حوالے نال چنڳیاں خبراں دی توقع کرسڳدی اے ۔ بانی پی ٹی آئی دے حوالے نال انہاں آکھئے انہاں دے ریلیف دا فیصلہ حکومت نی بلکہ عدالتاں کریسن۔
