اسلام آباد۔1اپریل(اے پی پی) پاکستان بین الاقوامی بحران دے دوران تعاون دے عزم پاروں میانماراچ اڄوکے زلزلیں توں متاثرہ لوکاں سانڳے 70 ٹن امدادی سامان روانہ کرݙتے۔ ترجمان دفتر خارجہ توں منڳل کوں جری بیان موجب وزیر برائے پارلیمانی امور طارق فضل چودھری 35 ٹن سامان گھن ونڄݨ آلی پہلی پرواز کوں رخصت کیتے۔ ایں توں پہلے وزیراعظم شہباز شریف میانمار دے اپݨے ہم منصب نال ڳالھ مہاڑ اچ میانمار دے عوام نال یکجہتی دا اظہار کیتے تے زلزلہ متاثرین سانڳے ہر ممکن امداد دا یقین ݙیوایا ہئی۔
