لاہور ۔1اپریل(اے پی پی) وزیراعظم محمد شہباز شریف امیر جماعت اسلامی حافظ نعیم الرحمٰن اتے عوامی نیشنل پارٹی دے صدر ایمل ولی خان نال ٹیلی فونک رابطہ کیتے تے عیدالفطر دی مبارخ ݙتی ۔ وزیراعظم دفتر دے میڈیا ونگ توں جاری بیان موجب وزیراعظم انہاں سانڳے نیک خواہشات دا اظہار کیتے۔ سیاسی رہنماواں وی وزیراعظم کوں عیدالفطر دی مبارخ تے نیک خواہشات دا اظہار کیتے۔ وزیراعظم ملک دی ترقی و خوشحالی سانڳے دعا منڳی تے عوام دی فلاح و بہبود سانڳے رل تے کم کرݨ دے عزم دا اظہار کیتے۔
