لاہور۔2اپریل(اے پی پی) عیدالفطر دے موقع تے وزیراعظم محمد شہبازشریف ایران دے صدر مسعود پیزشکیان نال ٹیلیفونک رابطہ کیتے تے عید الفطر دے پرمسرت موقع تے انہاں کوں ، ایرانی سپریم لیڈر اتے ایران دے بھرا عوام کوں دلوں عید دی مبارخ ݙتی تے نیک خواہشات دا اظہار کیتے ۔ وزیراعظم دفتر دے میڈیا ونگ توں جاری بیان موجب وزیراعظم آکھئے پاکستان اتے ایران وچال گھاٹے برادرانہ تعلقات ہن تے ہمسایہ ملکاں دی حیثیت نال او تجارت ودھاوݨ توں فیدہ چا سڳدن ۔ نال ہی انہاں کوں سرحدی سلامتی جیھے چیلنجز نال نبݨݨ سانڳے مزید نیڑے تعاون کرݨ دی وی لوڑھ اے ۔ گزریل سال نیویارک اتے قاہرہ اچ ݙوہیں ملکاں وچال تھیوݨ آلی ملاقاتاں دا ذکر کریندے وزیراعظم ایران نال آپݨے ݙوپاسے تعلقات کوں مزید تکڑا بݨاوݨ تے سانجھی دلچسپی دے سارے شعبیں اچ ݙو پساے تعاون ودھاوݨ دے پاکستان دا عزم کیتے۔
