راولپنڈی۔9اپریل(اے پی پی) چیف آف آرمی سٹاف جنرل سید عاصم منیرنال بیورو آف ساؤتھ اینڈ سینٹرل ایشین افیئرز دے سینئر بیورو آفیشل ایرک میئر دی قیادت اچ امریکہ دے ھک اعلیٰ سطحی وفد اتھاں جنرل ہیڈ کوارٹرز اچ ملاقات کیتی۔ اے ملاقات پاکستان دے منرلز انویسٹمنٹ فورم دے پس منظر اچ تھئی ۔ وفد اپݨی نوعیت دے پہلے فورم دے انعقاد دی تعریف کریندے سانجھے فیدہ مند شراکت داری دے ذریعے وسیع معدنی وسائل کوں ترقی ݙیوݨ دی پاکستان دی پالیسی تے اعتماد دا اظہار کیتے۔ آئی ایس پی آر موجب ایرک میئر امریکی انتظامیہ دی ترجیحات دا حوالہ ݙتا جنہاں اچ پاکستان نال معدنی ترقی اچ تعاون سانجھی دلچسپی دا بنیادی شعبہ اے۔ انہاں پاکستان اچ سرمایہ کاری دے منظر نامہ اچ مسلسل بہتری اچ دلچسپی دا اظہار کیتے۔ ملاقات ݙوہیں فریقین کوں عالمی صورتحال اتے پاکستان دی علاقائی سلامتی دے تقاضیں بارے ڳالھ مہاڑ دا موقع ݙتے ۔ ݙوہیں فریقاں ݙوطرفہ تعلقات دی مثبت رفتار تے اعتماد دا اظہار کیتے تے تعلقات کوں جامع طور تے تکڑا بݨاوݨ سانڳے موجودہ حکومتی اتے عوامی سطح تے تعاون ودھاوݨ دے علاوہ تجارتی رابطے دے رستے ڳولݨ دی لوڑھ تے اتفاق کیتے۔
