اسلام آباد۔10اپریل(اے پی پی) وفاقی وزیر منصوبہ بندی احسن اقبال آکھیے پاکستان دی تکھی رفتار ترقی سانڳے اساکوں رل تے کم کرݨا ہوسی ساݙا امتحان ایہو اے جو ’’اڑانِ پاکستان‘‘ دے تحت اہداف ڳھدے ونڄن ،پلاننگ کمیشن اچ بھرتیاں دا مرحلہ مکمل تھی چکیے، ہݨ ساݙے کنے ھک مضبوط اتے پروفیشنل ٹیم موجود اے۔ اے ڳالھ انہاں اپݨی زیر صدارت وزارت منصوبہ بندی اچ کم کرݨ آلے ممبرز،کنسلٹنٹس اتے ینگ ڈویلپمنٹ فیلوز دے تعارفی اجلاس توں خطاب کریندے آکھی ۔ انہاں نویں رلݨ آلے ممبراں کوں خوش آمدید آکھیے۔ احسن اقبال آکھیے پلاننگ کمیشن ملک دے ھک اہم تھنک ٹینک دے طور تے خدمات انجام ݙیندا پئے جئیں ہمیشہ حکومت کوں ھک بہتر مستقبل دا وژن اتے روڈ میپ ݙتے ، پلاننگ کمیشن اچ ں بھرتیاں دا مرحلہ مکمل تھی چکیے ہݨ ساݙے کنے ھک تکڑی تے پروفیشنل ٹیم موجود اے۔ انہاں آکھیے ٻہوں سارے ٹیلنٹڈ نینگراں پلاننگ کمیشن دا حصہ بݨ تے قومی ترقی اچ کردار نبھاوݨ دا عزم کیتے ، پاکستان دی کہیں وزارت کنے اتنی وݙی ہیومن ریسورس موجود کائنی ، ایں ٹیلنٹ کوں پروڈکٹیو کماں اچ لاوݨا ہوسی ، ہݨ نویں سوچ، نویں آئیڈیاز اتے نویں وژن نال کم کرݨ دی لوڑھ اے ۔ وفاقی وزیرآکھیے اساکوں ادراک اے جو جاہ دی کمی اے ایں مسئلے دے حل تے وزارت کم کریندی پئی اے سارے رلݨ آلے پروفیشنلز اپݨے شعبے دے بہترین ماہرین ہن، ہر فرد سفارش توں بالاتر تھی تے آپݨی صلاحیتاں دی بنیاد تے منتخب تھئے ، سیاسی نظریات توں قطع نظر، ساریاں بھرتیاں خالصتاً میرٹ تے کیتیاں ڳئن ۔ انہاں آکھیے تساں ساریں کیتے موقع اے جو آپݨی صلاحیتاں توں ملک دی ترقی اچ عملی کردار ادا کرن ، پاکستان دی تکھی رفتار ترقی سانڳے اساکوں رل تے کم کرݨا ہوسی ، ’’اڑانِ پاکستان‘‘اچ ملک دی معاشی ترقی سانڳے مکمل روڈ میپ موجود اے، ہرشعبے موجب پالیسی اتے لائحہ عمل تیار اے، ہݨ صرف عملدرآمد دی لوڑھ اے ۔
