سائبرکرائم ونگ کوں ایف آئی اے دے مقابلے اچ ودھ شکایتاں ملدیاں پئن، وزیر مملکت داخلہ طلال چوہدری

اسلام آباد۔22مئی(اے پی پی) وزیر مملکت داخلہ طلال چوہدری آکھیے جو سائبر کرائم ونگ کوں ایف آئی اے دے مقابلے اچ زیادہ شکایتاں ملدیاں پئن ، ایں ونگ اچ وختی نویاں بھرتیاں کریسوں جݙاں جو صدر نشین عبدالقادر پٹیل آکھیے جو گھٹ توں گھٹ گریڈ 20 تئیں چنڳے آئی ٹی افسر بھرتی کیتے ونڄن تاں جو بہتر کم تھی سڳے ۔ قومی اسمبلی  اجلاس اچ سوالاں دے وقفے تے شگفتہ جمانی دے سوال دے جواب اچ وزیر مملکت داخلہ طلال چوہدری ایوان کوں ݙسائے جو سائبر کرائم کیتے ہک نویں سائبر کرائم انویسٹی گیشن اتھارٹی بݨ ڳئی اے، ڈی جی سودھے 5 سو ملازمین اتھاں کم کریندے پئن، پیکا قانون بݨایا ڳئے، دنیا بھر اچ ایں قسم دیاں ریگولیشنز ہن، اساں کنے وسائل گھٹ ہن جݙاں جو درخواستاں زیادہ آندن، سائبر کرائم کیتے ٻہوں کم کرݨ دی لوڑھ اے، ایف آئی اے توں زیادہ شکایتاں سائبر کرائم کوں ملدیاں پئن ۔ صدر نشین آکھیے جو ایں کیتے چنڳے بنیادی پے سکیل اچ افسر بھرتی کیتے ونڄن