اسلام آباد۔22 مئی(اے پی پی)وزیر اعظم محمد شہباز شریف آکھیے جو پاکستان اچ بندرگاہواں تے جدید ٹیکنالوجی متعارف تھیندی پئی اے، بین الاقوامی سرمایہ کاراں کوں ودھ سوکھ ݙیندے پئے ہیں۔ وزیر اعظم محمد شہباز شریف نال ہچیسن پورٹس دے سی ای او ایرک اپ ملین۔ وزیر اعظم آکھیا جو پاکستان اچ تقریباً 3 ݙھاکیاں توں ہچیسن پورٹس دی سرمایہ کاری پاکستانی معاشی پالیسیاں تے اعتماد دا مظہر اے، پاکستان …
پاکستان اچ بندرگاہواں تے جدید ٹیکنالوجی متعارف تھیندی پئی اے، بین الاقوامی سرمایہ کاراں کوں ودھ سوکھ ݙیندے پئے ہیں، وزیر اعظم محمد شہباز شریف دی ہچیسن پورٹس دے سی ای او ایرک اپ نال گالھ مہاڑ
مزید خبراں
اسلام آباد۔22 مئی(اے پی پی)وزیر اعظم محمد شہباز شریف آکھیے جو پاکستان اچ بندرگاہواں تے جدید ٹیکنالوجی متعارف تھیندی پئی اے، بین الاقوامی سرمایہ کاراں کوں ودھ سوکھ ݙیندے پئے ہیں۔ وزیر اعظم محمد شہباز شریف نال ہچیسن پورٹس دے سی ای او ایرک اپ ملین۔ وزیر اعظم آکھیا جو پاکستان اچ تقریباً 3 ݙھاکیاں توں ہچیسن پورٹس دی سرمایہ کاری پاکستانی معاشی پالیسیاں تے اعتماد دا مظہر اے، پاکستان اچ بندرگاہواں تے جدید ٹیکنالوجی متعارف کرائی ویندی پئی اے جیندے اچ ہچیسن پورٹس دا اہم کردار اے۔ انہاں آکھیا جو ملکی بندرگاہواں تے کسٹمز اسیسمنٹ سانگے جدید سکینرز لاوݨ کیتے ہچیسن پورٹس دیاں خدمات بہترین ہین۔ وزیر اعظم آکھیا جو پالیسیاں کوں سرمایہ کار دوست بݨاوݨ سانگے اقدامات کیتے ویندے پئن۔ سی ای او ہچنسن پورٹس ایرک اپ آکھیا جو ہچیسن پورٹس کراچی پورٹ کوں جدید ٹیکنالوجی نال متعارف کراوݨ سانگے اقدامات کریندی پئی اے۔ ایرک اپ پاکستان کوں سرمایہ کاری سانگے ہک موزوں ملک قرار ڈیندے مستقبل اچ پاکستان اچ مزید سرمایہ کاری دی خواہش کیتی۔ ملاقات اچ وفاقی وزیر خزانہ محمد اورنگزیب، وفاقی وزیر اقتصادی امور احد خان چیمہ، وفاقی وزیر بحری امور جنید انور چوہدری اتے متعلقہ اداریاں دے اعلی افسران شریک ہن۔
